Nehemia 9:28 - Baibuli Ekibono kya Katonda 2014

²⁸ Bwe baafunangamu emiraala, nga kabiri bairamu okwonoona. Era waabalekuliranga agho, abazigu baibwe baabafuganga. Ate bwe baakyukanga ni bakulirira, waabawuliranga ng'oli mu igulu. Emikuzi kamaala waabanunulanga olw'okusaasira kwo okutaloodheka.

Nehemia 9:28 Iomraidhean Croise

1 Bakyabazinga 8:39

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

Zabbuli 106:42

Abazigu baibwe baababuza obwogereso, era baabakaka okuba mu bufuge bwaibwe.

Zabbuli 136:24

Yaidha yaatuwonia omuzigu eyali atughangwire; okugonza kwe tikukoma, kubaagho byanda na byanda.

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Abalamuzi 2:19

Aye buli mukulembeze bwe yafanga, abantu bairangayo mu mize gyaibwe egy'eira, baabanga babi n'okusinga badhaadha baibwe. Baagheerezanga emisambwa era baagikubiranga amakiryaivu okugisinza, era baalobanga kulekayo mpisa dhaibwe embi naire endala.

Abalamuzi 3:30

Ku lunaku olwo Abaisiraeli baaghangula Moabu. Ensi yaabaamu emiraala okumala emyaka kinaana.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.