Nehemia 9:26 - Baibuli Ekibono kya Katonda 2014

²⁶ Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Nehemia 9:26 Iomraidhean Croise

1 Bakyabazinga 14:9

Wakola ebibi okusinga boonaboona abaakusooka okufuga. Wanvaaku waaja weekolera emisambwa n'ebifaananie mu kyuma ekisaanuusiibwa, waabisinza, olwo wandeetera okusungughala.

1 Bakyabazinga 18:13

Musengwa Katonda wange, tibaakukobera kye nakola, Yezebeli bweyali ng'ali kwita abalanzi ba Musengwa Katonda? Natwala abantu kikumi ku balanzi ba Musengwa Katonda abo, naabagisa mu mpuku mu bikunsu bya bantu makumi ataanu ataanu, era naabafuniranga emere n'amaadhi.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

2 Bakyabazinga 21:10

Agho Musengwa Katonda ng'abita mu bagheereza be abalanzi, yaakoba ati:

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Nehemia 9:18

Beekolera ekifaananie eky'ente ento enume mu kyuma ekisaanuusiibwa, baakoba bati: ‘Isiraeli, ono ni katonda wo eyakutoola mu Misiri.’ Era baakola ebintu kamaala ebikunhoomesa.

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Zabbuli 50:17

Timwenda kugalagirwa, era bye mbakoba mubisuula bw'ere.

Yeremia 16:11

Agho iwe oidha kubakoba oti, ‘Badhaadha baimwe banvaaku baaja ye bakatonda abandi, baabagheerezanga era baabasinzanga. Nze baaneerabira baaloba kukuuma mateeka gange.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 2:7

Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Okulira 3:42

“Wo Musengwa twayonoona twakudheemera, era tiwatusonigha.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Matayo 21:35

Aye abakozi baagema abagheereza be abo, omulala baamukuba, owundi baamwita, ate owundi baamukanhuugirira amabaale.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.