Nehemia 9:2 - Baibuli Ekibono kya Katonda 2014

² Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n'ebyonoono bya badhaadha baibwe.

Nehemia 9:2 Iomraidhean Croise

1 Bakyabazinga 8:47

aye ni bamala beerowooza nga bali eyo mu nsi ye baatwalibwa ng'abanhage, ni beenenia era ni bakweghemba bati, ‘Twayonoona, twadaaliima era twakola ebibi’, wuliranga okusaba kwaibwe.

Ezera 10:11

Kale ni mpegaano mwatule ebibi byaimwe eri Musengwa Katonda, oyo Katonda wa badhaadha baife, mukolenga ebyo by'ayenda. Mweyawule ku bantu abamaghanga agandi abali mu nsi eno, ni ku bakazi baimwe abamaghanga agandi.”

Ezera 6:21

Omusengo ogw'ekibinuko ekyo bano n'abaagulyaku: Abaisiraeli boonaboona abaira okuva mu bunhage, n'abo boonaboona abaabeyimbaku ni baleka empisa enhonoonefu edh'abantu abaabanga mu nsi eyo, olw'okwenda okusinzanga Musengwa Katonda, Katonda wa Isiraeli.

Ezera 9:1

Ebyo bwe byawa, abandi ku bakulembeze ab'abantu Abaisiraeli baidha ye ndi, bankoba bati: “Bakabona, n'Abalevi, n'Abaisiraeli abandi, bakaali n'enkolagana n'abantu ab'omu biketezo bino mwe tuli. Bakola ebintu ebyenhinhalwa ng'oti n'Abakanaani, n'Abahitti, n'Abaperizzi, n'Abayebusi, n'Abammoni, n'Abamoabu, n'Abamisiri, n'Abamori bye bakola.

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Ezera 9:2

Abaisiraeli abo abantu ba Katonda abatukuvu baayonooneka, kuba beene ni batabane baibwe bafuna abakazi abamaghanga agandi. Aye ate abakungu n'abakulembeze, n'abasinze kwonooneka mu nsambo eyo.”

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Nehemia 10:28

Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Nehemia 13:3

Abantu bwe baawulira eiteeka eryo, baayawula mu Baisiraeli abantu boonaboona abaasimuka mu bamaghanga agandi.

Nehemia 13:30

Kale, naatukuza abantu okubatoolaku byonabyona eby'abamaghanga agandi. Naasengeka bukalamu emirimo gya bakabona n'Abalevi. Buli muntu yaamanha omulimo gwe.

Zabbuli 144:11

Mponia abazigu bange abakambwe, ontoole ku bamaghanga agandi abankiriga era abaguya buli kiseera, ni bwe baba nga beerayiriire obutaguya.

Zabbuli 144:7

Golola omukono gwo okuva ghaigulu eyo, onhinhulule mu maadhi agenda okuumira omponie; ontoole ku bamaghanga agandi abankiriga

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Isaia 2:6

Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Yeremia 14:20

Wo Musengwa Katonda, bwenebwene twayonoona y'oli, twikiriza ebibi ebyaife era n'ebya badhaadha baife.

Yeremia 3:13

Aye mwikirize nga muli n'omusango olw'okudheemera nze Musengwa Katonda waimwe, ni mweghaayo okusinza bakatonda abagwira buli ghansi mu kinsense eky'omuti omuzibirivu. Era mwaloba kumpulira na kugondera biragiro byange. Nze Musengwa Katonda, ninze nkobye.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Hosea 5:7

Tibabaire beesigwa naire ye Musengwa Katonda era bazaire abaana abatali babe. Aye tibaabite mu Kibinuko eky'Okuboneka kw'Omwezi, baja kuzikirira beene ghalala n'enimiro dhaibwe.