Nehemia 9:19 - Baibuli Ekibono kya Katonda 2014

¹⁹ Aye iwe olw'okusaasira kwo okungi tiwabalekulira agho nga bali mu irungu. Tiwabatoolaku kire ekiri ng'oti mpango, ekyabakulemberangamu omusana, waire okubatoolaku omuliro oguli ng'oti mpango, ogwabamuliikiriranga obwire engira ye babe babitemu.

Nehemia 9:19 Iomraidhean Croise

Nehemia 9:12

Omusana wabakulemberangamu ng'oli mu kire ekiri ng'oti mpango ate obwire waabanga mu muliro oguli ng'oti mpango, okubamuliikirira engira ye babe babitemu.

Nehemia 9:27

Kye wava n'obaghaayo mu ngalo edh'abazigu baibwe, abaabadaazadaaza. Nga bali mu kudaagadaaga batyo, baakulirira, waabawulira ng'oli mu igulu. Era olw'okusaasira kwo okungi einho, waabagheerezanga abanunuzi abaabanunulanga okuva mu ngalo dh'abazigu baibwe.

Nehemia 9:31

Aye era olw'okusaasira kwo okutaloodheka, tiwabalekulira agho waire okubazikiriza, kuba oli Katonda wa kivunika era asaasira.

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 136:16

Oyo n'eyabisa abantu be mu irungu; okugonza kwe tikukoma, kubaagho byanda na byanda.

Okuvaayo 40:36

Okuva n'olwo, ekire ekyo bwe kyavanga ku Weema eyo, nga n'Abaisiraeli boona batambula okuva ghe baalinga basimbye weema dhaibwe.

Okuvaayo 40:38

Era mu kutambula kwaibwe kwonakwona, ng'ekire kya Musengwa Katonda ekyo kiba ku Weema Entukuvu omusana, ate obwire nga mu kire omwo mwakamu omuliro ng'Abaisiraeli boonaboona babona.

Isaia 44:21

Musengwa Katonda akoba ati: “Iwe Yakobo idhukiranga ebintu ebyo, kuba oli mugheereza wange iwe Isiraeli. Nakutonda obe mugheereza wange, era tirikwerabira naire.

Okulira 3:22

Okugonza kwa Musengwa tikukoma n'ekisa kye tikiwa.

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:17

“Aye nabasaasira, naaloba kubazikiriza kubamaliriragho nga bali eyo mu irungu.

Ezekieli 20:22

Aye neefuga, ekyo naaloba kukikola ku lw'eriina lyange, olwo lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.

Okubala 14:14

baja kukobera abantu ababa mu nsi eno, kuba baawulira nga iwe oba mu bantu bano era ng'obonebwa maiso ku maiso. Era baawulira ng'ekire kyo kyemerera ghaigulu gh'abantu bano, ng'oli kubakulemberamu ng'oli mu kire ekiri ng'oti mpango omusana, era waaba mu muliro oguli ng'oti mpango obwire.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.