Nehemia 9:17 - Baibuli Ekibono kya Katonda 2014

¹⁷ Baaloba kuwulira na kwidhukira ebyewuninkiriza bye wabakolamu. Baakalangusa bwa myoyo gyaibwe, baataagho omuntu abakulembere abaizeeyo mu bwiru e Misiri. Aye iwe oli Katonda asonigha, ekiseera kyonakyona. Oli wa kivunika, osaasira, era olwagho okusungughala. Era olw'okuba iwe obagonza inho obutalekera, tiwabalekulira agho.

Nehemia 9:17 Iomraidhean Croise

1 Bakyabazinga 6:13

Ndidha kubanga ghalala n'abantu bange Abaisiraeli era tiibalekulirenga agho.”

1 Bakyabazinga 8:57

Musengwa Katonda waife abenga ghalala n'ife, nga bwe yabanga aghalala ni badhaadha baife, era alobenga kutuvaaku waire okutulekulira agho.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Ezera 9:9

Tuli bairu, aye era Katonda waife tatulekuliire agho mu bwiru bwaife. Atwoleike nga bw'atugonza obutalekera, yaaleetera bakyabazinga b'e Perusia okutugonza, baatulekagho nga tukaali balamu. Olwo tusobole okuzimbira Katonda waife oyo eisinzizo lye eryali lyonooneibwa, era atukuumenga ng'atuwonia abazigu mu Buyudaaya ni mu Yerusalemu.

Nehemia 9:31

Aye era olw'okusaasira kwo okutaloodheka, tiwabalekulira agho waire okubazikiriza, kuba oli Katonda wa kivunika era asaasira.

Zabbuli 106:13

Aye beerabira mangu bye yabakolera, baalekera n'agho okumalanga okumwebuuzaaku abaghe ku magezi.

Zabbuli 106:7

Badhaadha baife nga bakaali mu Misiri, ebyewuunhisa Musengwa Katonda bye yakolanga tibaabitwalanga ng'ekikulu; tibaidhukirangaku naire bwe yabagonzanga obutalekera. Baadheemera oyo Ali Ghaigulu Yeene, bwe baali mu Nhandha Emyufu.

Zabbuli 130:4

Aye iwe otusonigha, tusobole okukugha ekitiisa.

Zabbuli 78:10

Tibaakuuma ndagaano yaibwe ni Katonda era baaloba okugondera amateeka ge.

Zabbuli 78:11

Beerabira bye yakola, waire ebyewuunhio mwene bye yakola nga babona.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Okuvaayo 32:9

Nze Musengwa Katonda ndidhi nti abantu bano ba mpwitu inho.

Ensambo 1:24

Nabeeta mwaloba kuvugira, naabagololera omukono mwaloba kwidhayo.

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Ezekieli 5:6

Aye abantu baamu baakola bwa bibi, baadheemera ebiragiro byange okusinga n'abamaghanga agandi, baaloba okugondera amateeka gange okusinga n'ab'ensi edhibeezungulwire. Baava ku mateeka gange, baaloba okujiira ku biragiro byange.

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Abalevi 26:44

Aye waire ng'ebyo binaabanga bityo, bwe banaabanga nga bakaali mu nsi y'abazigu baibwe, tiibalekulirenga agho oba okubakyagha obujiiririire, ni mmenhagho ndagaano ye nakola nabo; kuba ninze Musengwa Katonda waibwe.

Nahumu 1:3

Musengwa Katonda alwagho okusungughala, era ali n'obuyinza obutaloodheka. Musengwa Katonda taleka muntu aliku musango nga tamubonereiza. Musengwa Katonda gh'atambulira ghabaagho kiwunga n'empewo eyeezungulula n'amaani. Era ebire, n'ebiba enkungu ebigere bye ye bisiikuula ng'ali kutambula.

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Okubala 14:41

Aye Musa yaabakoba ati: “Lwaki mpegaano muli kudheemera ekiragiro kya Musengwa Katonda? Ti mwidha kughangula.

Okubala 16:14

Mu butuufu bwene tiwatuleeta mu nsi ngimu erimu birungi kamaala, era tiwatugha bibandha na masamba ga mizabbibu ni biba byaife ku bwaife. Aye oli kwenda kuziba bwa bantu bano maiso? Kale titwidha kwidha.”

Ebikolwa by'Abatume 7:39

“Aye badhaadha baife baaloba okumuwulira baamusambaadha, ebirowoozo byaibwe nga bibali Misiri.

Ab'e Roma 9:15

kuba yakoba Musa ati: “Ndisaasira oyo ye nsaasira, ndigemerwa ekivunika oyo ye ngemerwa ekivunika.”

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.