Nehemia 9:15 - Baibuli Ekibono kya Katonda 2014

¹⁵ Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Nehemia 9:15 Iomraidhean Croise

Amainhama 14:22

Aye Aburamu yairamu kyabazinga oyo ati: “Ndayira mu maiso ga Musengwa Katonda, oyo Katonda Ali Ghaigulu Yeene, eyakola eigulu n'ensi,

Nehemia 9:20

Wabagha omwoyo gwo omulungi gubagalagirenga eky'okukola. Tiwalekeraku kubaghanga mannu kulya, era waabaghanga amaadhi okubawonia endiwo.

Zabbuli 114:8

oyo afuula aghabaire olubaale ni ghabaagho ekidiba eky'amaadhi, era n'afuula aghabaire eibaale eikalangafu ni ghaidhagho enhindo edhivaamu amaadhi agakuuluula.

Okuvaayo 16:4

Agho Musengwa Katonda yaakoba Musa ati: “Bona eno, nja kumagalisa emere okuva mu igulu ku lwaimwe. Era abantu baidha kujanga buli lunaku basoloze enaabamalanga olunaku olwo. Mu nsambo oti n'eyo ndidha kubaleba mbone oba nga banaajiira ku biragiro byange.

Okuvaayo 17:3

Aye abantu olw'okuba baali ndiwo, nga bazira maadhi ga kunhwa, baaja mu maiso n'okwemuluguunhiza Musa nga baamukoba bati: “Lwaki watutoola e Misiri okutwisa endiwo, ife n'abaana baife, n'ensolo dhaife?”

Okuvaayo 17:6

Nze ndidha kuba nga ndi eyo ku lusozi Horebu emberi waimwe. Oidha kukuba olubaale era amaadhi gaidha kuvaamu, abantu ge baghanga okunhwa.” Musa yaakola atyo ng'abakulu ab'ebikunsu mu Isiraeli babona.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Ezekieli 20:15

Kale, nze neerayirira mwene nga bali eyo mu irungu, nti tiribatuusa mu nsi ye nabagha, ensi engimu era erimu ebirungi kamaala, esinga edhindi dhoonadhoona ekitiibwa.

Okubala 14:30

ghazira waire mulala ati alituuka mu nsi ye nabalayirira okubagha, okutoolaku Kalebu mutabane wa Yefune, ni Yoshua mutabane wa Nuni.

Amateeka Agokubiri 1:21

Eyo n'ensi Musengwa Katonda waimwe y'abooleike. Muje mugitwale nga Musengwa Katonda oyo, Katonda wa badhaadha baimwe bw'abakobye, aghazira kutyamu naire.’

Amateeka Agokubiri 1:8

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Amateeka Agokubiri 8:3

Yaabaleka endhala yaabaluma, aye yaamala yaabagha mannu mwalya, emere ye mwali nga timulyangaku waire badhaadha baimwe. Ekyo yakikola okubeegeresa nti omuntu taba mulamu na mere yonka, aye aba mulamu lwa buli kibono Musengwa Katonda mwene ky'ayogera.