Nehemia 9:14 - Baibuli Ekibono kya Katonda 2014

¹⁴ Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Nehemia 9:14 Iomraidhean Croise

Amainhama 2:3

Yaagha olunaku olwo olwomusanvu enkabi era yaalutukuza. Kuba olwo lwe yawuumuliraku emirimo gye gyonagyona egy'okutonda.

Nehemia 1:8

Idhukira ekibono kye wakoba omugheereza wo Musa, oti, ‘Bwe mutaabenga beesigwa ye ndi, ndidha kubasansaanizanga eyo mu maghanga.

Nehemia 10:32

“Buli mwaka twidha kutoolanga guraamu itaanu edha feeza, kiisi muntu, tudhigheeyo dhikole emirimo mu isinzizo lya Katonda waife.

Okuvaayo 16:23

Musa yaabakoba ati: “Musengwa Katonda yalagira olwenkyo lube olunaku olw'okuwuumulira irala eyo ni Sabbato ya Musengwa Katonda entukuvu. Kale mannu yoonayoona mugifumbe lwaleero, nga mugigoya oba nga mugitogosa. Etaaliibwe lwaleero mugitereke, mugirye olwaidho.”

Okuvaayo 16:29

Bona eno, nze Musengwa Katonda nabagha Sabbato, era kyenva ni mbagha emere emala enaku eibiri ku lunaku olwomukaaga. Kale ku lunaku olwomusanvu buli muntu asigale ghaka aghazira kuja kukola mulimo gwonagwona.”

Okuvaayo 24:12

Musengwa Katonda yaakoba Musa ati: “Niina olusozi oidhe ye ndi. Bw'otuuka nteegerera, ndidha kukugha ebibaadho eby'amabaale agaliku amateeka n'ebiragiro bye naghandiikira abantu olw'okubagalagira.”

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 27:34

Ebyo n'ebiragiro Musengwa Katonda bye yagha Musa ku Lusozi Sinai ku lw'Abaisiraeli.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Amateeka Agokubiri 4:45

Kuno n'okulamba, n'amateeka, n'ebiragiro, Musa bye yakobera Abaisiraeli bwe baava mu Misiri.

Amateeka Agokubiri 4:5

“Nze mbeegereisa amateeka n'ebiragiro nga Musengwa Katonda wange bweyandagira. Mubigemenga, nga muli mu nsi ye muja okwingiramu okutwala.

Amateeka Agokubiri 5:31

Aye iwe oire ghano ghe ndi, nkukobere amateeka goonagoona n'ebiragiro byonabyona by'onaabeegeresa, babituukirizenga mu nsi ye ndi kubagha okuba eyaibwe.’ ”