Nehemia 9:1 - Baibuli Ekibono kya Katonda 2014

¹ Ku lunaku olwamakumi abiri n'eina (24) olw'omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n'enkungu mu mitwe, olw'ebibi byaibwe okubanakughaza.

Nehemia 9:1 Iomraidhean Croise

2 Samueli 1:2

Ku lunaku olwokusatu yaja okubona ng'omwisuka atuuka, ng'ava mu kifo Saulo ghe yasimba weema dhe. Omwisuka oyo yali akanwiremu ebivaalo bye nga n'omutwe gwe gwidhwire nkungu olw'enaku. Bwe yatuuka eri Daudi yaakuba amakiryaivu era yaakutama n'ekyeni kyatuuka ku itaka.

2 Ebyomubyanda 20:3

Yehoshafati yaatya, yaasaba Musengwa Katonda ng'amweghemba, era yaalangirira ghabeegho okusiiba mu Buyudaaya mwonamwona.

2 Ebyomubyanda 7:10

Ku lunaku olwairirira, olwamakumi abiri n'eisatu (23) olw'omwezi ogwomusanvu, kyabazinga Solomoni yaasiibula abantu okwirayo ewaibwe. Abantu bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi, ni Solomoni oyo, n'abantu be Abaisiraeli.

Ezera 8:21

Agho naalangirira okusiiba nga tuli eyo ku mwiga Ahava. Naakoba twewombeeke mu maiso ga Katonda waife nga tumusaba atukulembere mu lugendo lwaife, era atukuume n'abaana baife ni byonabyona bye twali nabyo.

Ezera 8:23

Kale twasiiba era twasaba Katonda waife oyo okutukuuma, era yaawulira okusaba kwaife.

Nehemia 8:2

Kale ku lunaku olusooka olw'omwezi ogwomusanvu, Ezera kabona yaaleeta Ekitabo ekyo mu kifo abantu boonaboona, abasaadha, abakazi, n'abantu abandi boonaboona abaali nga basobola okutegeera, ghe baali nga beesololeiza.

Yobu 2:12

Bwe baamulengera, tibaamutegeereragho. Aye bwe baamutegeera, baawowoola era baalira amaziga. Baakanula ebivaalo byaibwe olw'okunakughala, beeyugha enkungu mu mitwe, nga bwe bagimansa ghaigulu.

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Yoeli 2:12

Musengwa Katonda akoba ati: “Ni bweriba mperaano, kwona mwenenie bya bwenebwene. Mwire ye ndi nga musiiba era nga mulira amaziga.

Abalevi 23:34

“Kobera Abaisiraeli ati olweikumi n'eitaanu olw'omwezi ogwo ogwomusanvu, ghanaabangagho Ekibinuko eky'Entindi ekikolerwa Musengwa Katonda, okumala enaku musanvu.

Abalevi 23:39

“Bwe munaamalanga okukungula ebirime byaimwe, munaakuzanga ekibinuko kino, okumala enaku musanvu, nga mutoolera n'olunaku olweikumi n'eitaanu olw'omwezi ogwomusanvu. Ku lunaku olusooka ni ku lusembayo, ghanaabangagho okuwuumulira irala.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

1 Samueli 4:12

Agho omuntu ow'omu kika kya Benjamini, yaalumuka ng'ava mu lutalo, yaaja yaatuuka e Shilo ku lunaku lwene olwo, ng'akanwiremu ebivaalo bye, era ng'asiize eitaka mu mutwe gwe, olw'enaku.

1 Samueli 7:6

Kale beesololeza e Mizipa, baasena amaadhi baagafuka agho mu maiso ga Musengwa Katonda, ng'ekigheebwayo. Baasiiba ku lunaku olwo, era baakoba bati: “Twakola ekibi ye Musengwa Katonda.” Eyo e Mizipa, Samueli ye yalamuliranga Abaisiraeli.