Nehemia 8:3 - Baibuli Ekibono kya Katonda 2014

³ Yaakibasomera boonaboona okuva ku nkyo okutuusa mu kasana ghagati, ng'alingiriire y'oluya oluli emberi gh'Omulyango ogw'Amaadhi. Era boonaboona baatega amatu okuwulirisa ebiva mu Kitabo ekyo eky'Amateeka.

Nehemia 8:3 Iomraidhean Croise

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Nehemia 13:1

Ku lunaku olwo baasoma mu kitabo kya Musa ng'abantu boonaboona bawulira. Baayagaanamu nga kyaghandiikibwa kiti: “Omuammoni n'Omumoabu yeenayeena, taabalirwenga mu bantu ba Katonda,

Nehemia 8:1

Agho Abaisiraeli boonaboona nga bali kitole, beesololeza mu luya emberi gh'ogwetebwa Omulyango ogw'Amaadhi. Baakoba Ezera omunamateeka aleete Ekitabo ky'Amateeka, Musengwa Katonda ge yagha Isiraeli ng'abita mu Musa.

Nehemia 8:18

Buli lunaku, okuva ku lwasooka mu kibinuko ekyo okutuuka ku lwasembayo, baasomanga ekitundu okuva mu Kitabo eky'Amateeka ga Katonda. Baaba ku kibinuko okumala enaku musanvu, ate ku lw'omunaana beesoloza okusinza Katonda, ng'Amateeka bwe galagira.

Nehemia 8:4

Ezera oyo, eyali omunamateeka, yaayemerera ku kituuti kye baakola mu mbaawo olw'omukolo ogwo. Era agho okumpi naye, ku luuyi lwe olw'omukono omusaadha ghaayemereragho, Mattithia, Shema, Anaia, Uria, Hilikia, ni Maaseia. Ate ku luuyi lwe olw'omukono omugooda, ghaayemereragho bano: Pedaia, Mishaeli, Malikiya, Hashumu, Hashibaddana, Zekaria, ni Meshullamu.

Nehemia 8:5

Agho Ezera yaabwikula ekitabo ng'abantu boonaboona babona, kuba yali ghaigulu ghaibwe boonaboona. Olwakibwikula ati, abantu boonaboona baayemerera.

Mariko 12:37

“Daudi mwene amweta ‘Musengwa’ memale obwo aba atya mwidhukulu we!” Olukunkumuli olw'abantu abaali agho baamuwulirisa n'eisanhu.

Luka 19:48

aye baalemwa okubona eky'okukola kuba abantu boonaboona nga bwe bamuwulirisa, tibenda kulekera.

Luka 8:18

“Mwegendereze niini ensambo ye muwuliramu, kuba oyo ali ni kyali nakyo aligheebwa, ate oyo azira, ni ky'adhuuba okuba nakyo kirimutoolebwaku.”

Ebikolwa by'Abatume 13:15

Ebyaghandiikibwa mu Mateeka ni mu balanzi bwe byawa okusomebwa, abakulu ba sinagoga baabeeta nga babakoba bati: “Aboluganda, oba nga muli n'ekibono eky'okulamba abantu mukyogere.”

Ebikolwa by'Abatume 13:27

Kuba abantu ab'omu Yerusalemu aghalala n'abafuzi baibwe, tibaamanha Yesu nga n'Omulokozi, waire okutegeera ebibono eby'abalanzi ebisomebwa kiisi lwa Sabbato. Aye baatuukiriza ebibono eby'abalanzi bwe baasalira Yesu omusango ogw'okufa.

Ebikolwa by'Abatume 15:21

Kuba Amateeka ga Musa okuva eira n'eira gasomebwa ku buli Sabbato mu sinagoga era googerebwaku mu buli kibuga.”

Ebikolwa by'Abatume 16:14

Ghaabaagho omukazi mulala ng'eriina lye ni Ludia nga ava mu kibuga Thuyatira. Yali atundanga bivaalo ebya nakasooma era nga atya Katonda. Ono Musengwa yamugha omwoyo omugonvu, yaikiriza ebyo Paulo bye yayogera.

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

Ebikolwa by'Abatume 20:11

Agho yairayo ghaigulu, yaamegulamu omugaati, yaalya, yaaghaya nabo okutuukiza irala obwire okukya memale yaaja.

Ebikolwa by'Abatume 20:7

Agho olunaku olusooka mu Sabbato, bwe twali nga twesoloiza okumegulamu omugaati, Paulo yaayogera n'abantu era yaalwagho ng'akaayogera okutuusa mu bwire ghagati; kuba yali ng'asuubira okuja ku lunaku olwiririra.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

1 Ab'e Thessalonika 2:13

Era titulekera kweyanza Katonda kuba bwe mwawulira ekibono kye, kye twabakobera mwakisangaalira ti ng'ekibono eky'abantu aye ng'ekibono ekya Katonda, nga era bwenebwene bwekiri ekibono kya Katonda ekikolera mu imwe abaikiriza.

Yoshua 8:35

Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.

Okwolekebwa 2:29

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.

Okwolekebwa 3:22

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.”