Nehemia 8:2 - Baibuli Ekibono kya Katonda 2014

² Kale ku lunaku olusooka olw'omwezi ogwomusanvu, Ezera kabona yaaleeta Ekitabo ekyo mu kifo abantu boonaboona, abasaadha, abakazi, n'abantu abandi boonaboona abaali nga basobola okutegeera, ghe baali nga beesololeiza.

Nehemia 8:2 Iomraidhean Croise

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Nehemia 13:1

Ku lunaku olwo baasoma mu kitabo kya Musa ng'abantu boonaboona bawulira. Baayagaanamu nga kyaghandiikibwa kiti: “Omuammoni n'Omumoabu yeenayeena, taabalirwenga mu bantu ba Katonda,

Nehemia 8:18

Buli lunaku, okuva ku lwasooka mu kibinuko ekyo okutuuka ku lwasembayo, baasomanga ekitundu okuva mu Kitabo eky'Amateeka ga Katonda. Baaba ku kibinuko okumala enaku musanvu, ate ku lw'omunaana beesoloza okusinza Katonda, ng'Amateeka bwe galagira.

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Nehemia 9:1

Ku lunaku olwamakumi abiri n'eina (24) olw'omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n'enkungu mu mitwe, olw'ebibi byaibwe okubanakughaza.

Isaia 28:9

Bakoba bati: “Oyo yeena ayegeresa ani? Naani eyeetaaga ebyo by'ayegeresa? Koodhi aje ayegerese abato abaakava obw'oku mabeere!

Abalevi 23:24

“Kobera Abaisiraeli oti ku lunaku olusooka olw'omwezi ogwomusanvu, ghanaabangagho okuwuumulira irala olw'ekiidhukizo. Kunaalangirirwanga nga bafuuwa endeka, era muneesolozanga okusinza.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Okubala 29:1

“Ku lunaku olusooka olw'omwezi ogwomusanvu mwidha kwesolozanga okunsinza, era mutalukolerangaku mulimo gwonagwona. Ku lunaku olwo mwidha kufuuwanga endeka,

Ebikolwa by'Abatume 15:21

Kuba Amateeka ga Musa okuva eira n'eira gasomebwa ku buli Sabbato mu sinagoga era googerebwaku mu buli kibuga.”

Amateeka Agokubiri 17:18

Bw'alityama ku kityamo kye eky'obwakyabazinga, alyeghandiikira amateeka gano mu kitabo ng'agatoola mu ekyo ekiri ni bakabona Abalevi.

Yoshua 8:35

Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.