Nehemia 8:12 - Baibuli Ekibono kya Katonda 2014

¹² Agho abantu boonaboona baagolola ewaibwe, baalya, baanhwa, era baagabiraku n'abo abazira ghe batoola. Baaba mu kusagamba okw'amaani olw'okuba baategeera ebibono bye baabakoba.

Nehemia 8:12 Iomraidhean Croise

1 Ebyomubyanda 29:22

Ku lunaku olwo baaliira era baanhwera mu maiso ga Musengwa Katonda, nga basagamba ebitaloodheka. Agho bairamu okulangirira Solomoni mutabane wa Daudi okuba kyabazinga, baamusiiga omuzigo abafugenga mu liina lya Musengwa Katonda, ni Zadoki abenga kabona.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Nehemia 8:11

Kale Abalevi baawooyawooya abantu nga babakoba bati: “Mube baikaikamu kuba luno olunaku lutukuvu, mutanakughala.”

Nehemia 8:13

Ku lunaku olwairirira, abakulu ab'enda dha balata b'abantu boonaboona, ghalala ni bakabona n'Abalevi, baidha ye Ezera omunamateeka okwega ebiri mu mateeka.

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:127

Nze ngonza inho ebiragiro byo, mbigonza inho okusinga ni zaabu, zaabu ole mwene omukenenule.

Zabbuli 119:130

Omuntu bw'ainhonholwa ebibono byo afunamu obutangaavu n'ole azira magezi yaafunamu amagezi.

Zabbuli 119:14

Wo Musengwa Katonda, mba musangaavu okukola iwe by'onkoba, okusinga okuba omukombe einho.

Zabbuli 119:16

Ndidha kubanga musangaavu okukola iwe by'olagira, era tyerabirenga kibono ky'onkobye.

Zabbuli 119:171

Ndidha kukusaakanga buli kaakyeire, kuba niiwe ondhegeresa amateeka go.

Zabbuli 119:174

Wo Musengwa Katonda, neegomba inho ondokole, era mba musangaavu okugema amateeka go.

Zabbuli 119:72

Amateeka ge watugha ga mughendo ye ndi okusinga emungo ya feeza ni zaabu.

Zabbuli 119:97

Wo Musengwa Katonda, nze nga ngonza inho amateeka go! Tirekera kugeefumintirizaaku olunaku lwonalwona.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Luka 24:32

Agho baakoba bati: “Titusuuyirirenga mule bw'abaire ng'ayogera n'ife mu ngira! Ng'atwinhonhola amakulu ag'Ebyaghandiikibwa?”

Ab'e Roma 7:18

Ndidhi nga olw'obuntu obuli mu nze ghazira kikalamu kyonakyona ekindimu, kuba ni bwenandyenze okukola ekituufu tighanga kukikola.

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.