Nehemia 8:10 - Baibuli Ekibono kya Katonda 2014

¹⁰ Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Nehemia 8:10 Iomraidhean Croise

1 Bakyabazinga 8:66

Ku lunaku olwomunaana, kyabazinga yaasiibula abantu okwirayo ewaibwe. Abantu baamusabira enkabi, bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi omugheereza we, n'abantu be Abaisiraeli.

1 Ebyomubyanda 16:27

Aidhwire ekitiisa era mufuzi, mu kifo kye mwidhwire ebyoleka nga wa maani era nga musangaavu.

Nehemia 8:11

Kale Abalevi baawooyawooya abantu nga babakoba bati: “Mube baikaikamu kuba luno olunaku lutukuvu, mutanakughala.”

Nehemia 8:12

Agho abantu boonaboona baagolola ewaibwe, baalya, baanhwa, era baagabiraku n'abo abazira ghe batoola. Baaba mu kusagamba okw'amaani olw'okuba baategeera ebibono bye baabakoba.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 89:17

Kuba niiwe otugha obughanguzi obutaloodheka; era olw'okutugonza waatugha okusagamba ng'abaghanguzi.

Ensambo 17:22

Okuba omusangaavu, bulezi bwene obuwonia, aye okuba omunakughavu kugoogombya omubiri.

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Omulangirizi 3:13

Era ndidhi nga Katonda n'agha omuntu okulya, n'okunhwa, n'okweyagalira mu ebyo by'aba afunie mu kufaabiikana kwe.

Omulangirizi 5:18

Bona eno, nze ekirungi kye nabona omuntu ky'agwaine okukola, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe ku nsi, mu nnaku entono edho Katonda dhaamugha okuba omulamu. Ogwo n'omugabo gwe.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Isaia 49:5

Musengwa Katonda oyo n'eyampumbira mu nda ya maama, yantegeka okuba omugheereza we, nje mmusolokeze ab'eizaire lya Yakobo, abantu be abo abaasansaanizibwa. Musengwa Katonda oyo anfuula wa kitiisa mu maiso ge, era oyo ni Katonda wange, ensimuko ey'amaani gange.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Zekaria 14:21

Entamu dhoonadhoona mu Yerusalemu ni mu Buyudaaya dhiryawulibwa nga dha Musengwa Katonda Afuga Amagye. Olwo abaja okughaayo emisengo balitoolanga ku edho baafumbamu emamba ey'omusengo. Mu kiseera ekyo, mu isinzizo lya Musengwa Katonda Afuga Amagye timulibaamu kabiri musuubuzi waire omulala ati.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

2 Ab'e Korintho 8:2

Baabita mu kulebwa okunene nga badaazibwadaazibwa, aye baasigala nga basangaavu inho. Era baali baavu inho, aye baaba bagabi inho.

Ab'e Filippi 3:4

Nze mwene ndi n'ensonga entuufu edhandinteesiiza obwesige mu bikolebwa ku mubiri guno. Oba nga eriyo alowooza okuba n'ensonga edhimuteesa obwesige mu bikolebwa ku mubiri guno, edhange n'edhisinga

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.

1 Samueli 25:8

Iwe babuuze, baidha kukukobera. Kale ni sangaaza abaisuka bange n'ekisa, kuba twidhiire ku lunaku lwa kibinuko. Nkweghembye ganha oghe abagheereza bo abo, kyonakyona ky'onaaba nakyo era ompeerezeeku zeena, nze mutabane wo Daudi.’ ”