Nehemia 7:73 - Baibuli Ekibono kya Katonda 2014

⁷³ Kale bakabona n'Abalevi, n'abaigazi b'emiryango, n'abembi, n'abandi ku bantu ababuliidho, n'abagheereza b'omu isinzizo, n'Abaisiraeli abandi, baaja baaba mu bibuga byaibwe. Era omwezi ogwomusanvu okuja okutuuka ng'Abaisiraeli abandi boonaboona bali mu bibuga byaibwe.

Nehemia 7:73 Iomraidhean Croise

2 Bakyabazinga 7:10

Agho bairayo ku kibuga Samaria, baayeta abaigazi b'ekibuga ekyo, baabakobera bati: “Tujiire mu kifo Abasiria ghe baasimba weema dhaibwe, twaloba kwagaanayo waire okuwulirayo omuntu naire omulala ati. Aye ghabairegho bwa mbalaasi na ndogoyi nga nsibe, ni weema nga badhirese nga bwe dhaabaire.”

1 Ebyomubyanda 9:2

Kale abaasooka okwira mu bibandha byaibwe ni mu bibuga byaibwe, baali abandi ku Baisiraeli ababuliidho, ni bakabona, n'Abalevi, abaagheerezanga mu isinzizo.

Ezera 2:70

Agho bakabona, n'Abalevi, n'abembi, n'abakuumi b'emiryango gy'eisinzizo, n'abagheereza b'omu isinzizo, n'abantu abandi, baasenga mu Yerusalemu n'ebiketezo ebikiriiraine. N'Abaisiraeli abandi boonaboona baaja baasenga mu bibuga ebyalingamu badhaadha baibwe.

Ezera 3:1

Mu mwezi ogwomusanvu ng'Abaisiraeli boonaboona bamaze okuja mu bibuga byaibwe era nga batyaime batereire, beesololeza e Yerusalemu boonaboona nga bali kitole.

Nehemia 11:3

Aye Abaisiraeli abandi, ni bakabona, n'Abalevi, n'abagheereza b'omu isinzizo, n'abaidhukulu ab'abagheereza ba Solomoni, nga buli muntu aba mu kibandha kye ekiri mu kibuga eky'ewaibwe. Bano n'abatyamye abakulu ab'omu kiketezo ekyo ekya Buyudaaya, abaabanga mu Yerusalemu:

Nehemia 7:72

Abantu boonaboona abaasigalagho baaghaayo: kilo kikumi na nkaaga na munaana (168) edha zaabu, ni kilo kikumi n'ana (140) edha feeza, n'ebivaalo bya bakabona nkaaga na musanvu (67).