Nehemia 7:65 - Baibuli Ekibono kya Katonda 2014

⁶⁵ Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona aghanga okwebuuza ku Musengwa Katonda ng'akozesa Urimu ni Thummimu.

Nehemia 7:65 Iomraidhean Croise

Ezera 2:63

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona asobola okwebuuza ku Musengwa Katonda ng'akozesa Urimu ni Thummimu.

Nehemia 10:1

Bano n'abantu abaataaku ebinkumu byaibwe: Nehemia eyali omufuzi era nga mutabane wa Hakalia, ni Zedekia. Bano ni bakabona abataaku ebinkumu byaibwe:

Nehemia 7:64

Abantu abo baabanoonia mu nkalala dh'obuzaale aye nga tibabonekamu, kale baabalekeza okukola nga bakabona, nga batwalibwa ng'abatali balongoofu.

Nehemia 7:66

Ekikunsu kyonakyona aghalala eky'abo abaira okuva mu bunhage, kyalimu abantu emitwalo ena n'enkumi ibiri na bisatu na nkaaga (42,360).

Nehemia 7:70

Agho abandi ku bakulu b'endhu dha baiseibwe baaghaayo ebintu eby'okukola omulimo ogw'okuzimba. Omufuzi w'omu kiketezo ekyo yaaghaayo: kilo munaana (8) edha zaabu, n'ebbakuli amakumi ataanu (50), n'ebivaalo bya bakabona ebikumi bitaanu n'asatu (530).

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Okuvaayo 28:30

Era mu kivaalo ekyo eky'omu kifuba, Omukulu wa Bakabona ky'anaakozesanga okumanha nze Musengwa Katonda kye nhenda, oidha kutaamu ebintu eby'okukozesebwanga kabona oyo okumanha kye nhenda ebyetebwa Urimu ni Thummimu, bibenga mu kifuba kye ng'ali kwidha mu maiso gange. Mu nsambo eyo Aaroni, aidha kubanga n'obusobozi mu kifuba kye obw'okumanhanga kye nhenda Abaisiraeli bakole.”

Abalevi 2:10

Ekyo ekisigalagho ku kigheebwayo eky'emere ey'empeke ekyo, kiba kya bakabona kitukuvu inho, kuba kitoolebwa ku ekyo ekigheebwayo ye Musengwa Katonda, nga kyokeibwa n'omuliro.

Abalevi 2:3

Ekyo ekisigalagho ku kigheebwayo ekyo eky'emere ey'empeke, kiba kya bakabona kitukuvu inho, kuba kitoolebwa ku ekyo ekigheereibwayo ye Musengwa Katonda, nga kyokebwa n'omuliro.

Abalevi 6:17

Tikiifumbirwengamu kizimbulukusa. Nze Musengwa Katonda mwene nkighaire bakabona, kibe omugabo gwaibwe ku byange ebigheebwayo nga byokebwa omuliro. Kitukuvu inho ng'oti n'ekigheebwayo olw'ebibi, era ng'oti n'ekigheebwayo ng'omutango.

Abalevi 8:8

Yaamuvaaza ekivaalo eky'omu kifuba, yaakitaamu ebintu ebyetebwa Urimu ni Thummimu.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Amateeka Agokubiri 33:8

Yaasabira Abalevi ati: “Wo Musengwa Katonda, kozesa Urimu ni Thummimu, oyoleke abantu bo ky'oyenda, ng'obita mu Balevi abagheereza bo abeesigwa. Wabaleba e Massa, waakakasa nga batuufu gha maadhi g'e Meriba.