Nehemia 7:64 - Baibuli Ekibono kya Katonda 2014

⁶⁴ Abantu abo baabanoonia mu nkalala dh'obuzaale aye nga tibabonekamu, kale baabalekeza okukola nga bakabona, nga batwalibwa ng'abatali balongoofu.

Nehemia 7:64 Iomraidhean Croise

1 Ebyomubyanda 9:1

Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

Nehemia 13:29

Agho naasaba nti: “Wo Katonda wange, oteerabiranga ngeri ye boonoinemu obwakabona, ni basuula n'ere endagaano ye baakola ey'obwakabona n'Obulevi.”

Nehemia 7:5

Katonda yanta mu mwoyo ekirowoozo, nkobe abakungu n'abakulembeze b'abantu, n'abantu abandi boonaboona, beesoloze beeghandiise ng'obuzaale bwaibwe bwe bwali. Era naazuula ekitabo kye baaghandiikamu obuzaale bw'abo abaasooka okuva mu bunhage nga kirimu bino:

Nehemia 7:63

Ghaligho n'abandi abaali abaana ba bakabona, nga ni bano: Ab'oku nda ya Habaia, n'ab'oku ya Hakkozi, n'ab'oku ya Barazillai, ye baatuuma eriina eryo olw'okuba yafumbirwa owundi ku baghala ba Barazillai Omugileadi.

Nehemia 7:65

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona aghanga okwebuuza ku Musengwa Katonda ng'akozesa Urimu ni Thummimu.

Abalevi 4:3

Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.