Nehemia 7:4 - Baibuli Ekibono kya Katonda 2014

⁴ Ekibuga Yerusalemu kyali kinene era nga kigazi, aye ng'abantu abakirimu batono era nga n'endhu dhe baakazimbamu ti nhingi.

Nehemia 7:4 Iomraidhean Croise

Nehemia 11:1

Agho abakulembeze b'abantu baasenga mu Yerusalemu baabanga omwo, aye abantu abaasigalagho abandi baakuba obululu okulonda omuntu omulala omulala ku buli bantu eikumi, okubanga mu Yerusalemu ekibuga ekitukuvu. Ate bale omwenda abasigalagho ku buli bantu eikumi, nga ba kubanga mu bibuga ebindi.

Nehemia 11:2

Era abantu nga basanhukira inho omuntu asalagho ku lulwe okuja okubanga mu Yerusalemu.

Nehemia 7:3

Naabakoba nti: “Mutalagiranga kwigulagho miryango gya Yerusalemu nkyo, okutuusa ng'akasana kali kwebbalangula. Era mulagirenga bagiigale bagisibe ng'abakuumi bakaakuma. Mutengagho abakuumi nga mubatoola mu batyamye b'omu Yerusalemu mwene omwo, bakuumenga mu mpalo, nga buli mukuumi akuuma ekiketezo ekiri emberi w'endhu ye.”

Nehemia 7:5

Katonda yanta mu mwoyo ekirowoozo, nkobe abakungu n'abakulembeze b'abantu, n'abantu abandi boonaboona, beesoloze beeghandiise ng'obuzaale bwaibwe bwe bwali. Era naazuula ekitabo kye baaghandiikamu obuzaale bw'abo abaasooka okuva mu bunhage nga kirimu bino:

Isaia 58:12

Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.