Nehemia 7:2 - Baibuli Ekibono kya Katonda 2014

² Agho naataagho muganda wange Hanani ni Hanania omufuzi eyakuliranga ekifo eky'okwewogomamu, naabagha obukumu okulabiriranga Yerusalemu. Hanania oyo yali mwesigwa era nga atya Katonda okusinga abantu abandi boonaboona.

Nehemia 7:2 Iomraidhean Croise

Amainhama 42:18

Ku lunaku olw'okusatu Yosefu yaabakoba ati: “Nze ndi muntu atya Katonda. Kale mukole kye nja okukoba, memale mughange okuwonia obulamu bwaimwe:

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

1 Bakyabazinga 18:12

Aye naaba naakava gh'oli nti, ng'omwoyo gwa Musengwa Katonda gukutwala ye ntaidhi! Agho bwe nnaatuuka ni nkobera Ahabu, aye ate n'atasobola kukubona, aidha kundhita, ate nga nze omugheereza wo ndhisiisa ekitiisa mu Musengwa Katonda okuviira irala mu buto bwange.

1 Bakyabazinga 18:3

Kale Ahabu yaayeta Obadia eyali nga n'alabirira ekisaagaati kya kyabazinga. Obadia oyo yali ng'ata inho mu Musengwa Katonda ekitiisa,

Nehemia 1:2

Owundi ku baganda bange ayetebwa Hanani, yaidha n'abantu abandi nga bava e Buyudaaya. Naababuuza ebifa ku Bayudaaya abaawonagho ni bava mu bunhage, n'ebifa ku Yerusalemu.

Nehemia 10:23

ni Hoshea, ni Hanania, Hassihubu,

Nehemia 13:13

Agho naataagho abantu bano babenga abaghanika mu materekero ago: Shelemia kabona, Zadoki omunamateeka, ni Pedaia Omulevi. Era naabagha Hanani mutabane wa Zakkuri era mwidhukulu wa Mattania, okubayambangaku. Abantu abo baali nga bamanhiibwa okuba abeesigwa, era omulimo gwaibwe gwali gwa kughanga Balevi banaibwe emigabo gyaibwe.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Nehemia 7:3

Naabakoba nti: “Mutalagiranga kwigulagho miryango gya Yerusalemu nkyo, okutuusa ng'akasana kali kwebbalangula. Era mulagirenga bagiigale bagisibe ng'abakuumi bakaakuma. Mutengagho abakuumi nga mubatoola mu batyamye b'omu Yerusalemu mwene omwo, bakuumenga mu mpalo, nga buli mukuumi akuuma ekiketezo ekiri emberi w'endhu ye.”

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Zabbuli 101:6

Abo abeesigwa baidha kubanga bagonzi ye ndi, era baidha kubanga ghalala ninze. Ate abo ab'empisa enkalamu baidha kubanga bagheereza bange.

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Danieli 6:4

Bakungu baine bale ab'oku ntwiko ababiri, ghalala n'abafuzi ab'amasaza, baanoonia bazuuleyo ekintu eky'okwemuluguunhia ku Danieli ku bigemagana n'obwakyabazinga. Aye baalemwa okufuna kye banaavaaku okumwemuluguunhiaku, kuba yali mwesigwa, ng'azira nsobi y'akola waire okuba n'ekikyamu ky'akola.

Okubala 12:7

Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Matayo 24:45

“Naani omugheereza omulungi era omugezi? Oyo musengwa we ye yalekera ab'omu maka ge okubaghanga emere yaibwe mu kiseera ekituufu?

Matayo 25:21

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya Musengwa wo.’

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.