Nehemia 7:1 - Baibuli Ekibono kya Katonda 2014

¹ Ekimante bwe kyawa okuzimbibwa era nga mmaze n'okutaamu endhigi dhaamu, naataagho abakuumi b'emiryango, n'abembi, era naagha n'Abalevi abandi emirimo gyaibwe egy'okukolanga.

Nehemia 7:1 Iomraidhean Croise

2 Bakyabazinga 7:10

Agho bairayo ku kibuga Samaria, baayeta abaigazi b'ekibuga ekyo, baabakobera bati: “Tujiire mu kifo Abasiria ghe baasimba weema dhaibwe, twaloba kwagaanayo waire okuwulirayo omuntu naire omulala ati. Aye ghabairegho bwa mbalaasi na ndogoyi nga nsibe, ni weema nga badhirese nga bwe dhaabaire.”

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

Ezera 3:8

Mu mwezi ogwokubiri ogw'omwaka ogwokubiri nga bamaze okutuuka mu kifo aghaali eisinzizo lya Katonda e Yerusalemu, Zerubbabeli mutabane wa Shealutieli ni Yeshua mutabane wa Yozadaki, beeyimba ku Baisiraeli banaibwe, bakabona, Abalevi, ni boonaboona abaira e Yerusalemu nga baava mu bunhage. Agho baatoolera omulimo ogw'okuzimba. Baalonda Abalevi abaali bagheziiza emyaka amakumi abiri egy'obukulu n'okusingagho, balabirirenga omulimo ogwo ogw'okwiramu okuzimba eisinzizo lya Musengwa Katonda.

Nehemia 10:39

Abaisiraeli abandi, n'Abalevi, baidha kutwalanga emere ey'empeke esondeibwa, n'omwenge ogw'emizabbibu, n'omuzigo ogw'ebibala eby'emiti emyoliva, babite mu iterekero omukuumirwa ebintu ebikozesebwa mu Kifo Ekitukuvu, okumpi n'ekifo bakabona abali ku mulimo, n'abakuumi, n'abembi, ghe baba. “Bwenebwene titwidha kulekuliranga agho ndhu ya Katonda waife.”

Nehemia 11:3

Aye Abaisiraeli abandi, ni bakabona, n'Abalevi, n'abagheereza b'omu isinzizo, n'abaidhukulu ab'abagheereza ba Solomoni, nga buli muntu aba mu kibandha kye ekiri mu kibuga eky'ewaibwe. Bano n'abatyamye abakulu ab'omu kiketezo ekyo ekya Buyudaaya, abaabanga mu Yerusalemu:

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 6:1

Agho baakobera Saniballati, ni Tobia, ni Geshemu Omuwarabu, n'abazigu baife abandi boonaboona, bati namala okuzimba ekimante ekyo, era nga tikikaalimu bituli aye nga mu butuufu, mu kiseera ekyo nali nkaali kuta ndhigi mu miryango.

Nehemia 6:15

Kale ku lunaku olwamakumi abiri n'eitaanu (25) olw'omwezi ogwetebwa Elulu, twamaliriza okuzimba ekimante ekyo. Omulimo ogwo twagukola mu nnaku amakumi ataanu na ibiri.

Nehemia 6:19

Era abantu nga bwe baba ghe ndi, boogera ku birungi Tobaia oyo by'akola, era baamukoberanga bye nayogeranga. Agho Tobia oyo yaayongeranga okumpandiikira embaluwa okuntiisatiisa.