Nehemia 6:8 - Baibuli Ekibono kya Katonda 2014

⁸ Agho naabagheereza obukwenda nga bukoba buti: “Ghazira ku ebyo byonabyona bye muli kukoba, kyali kibaireghooku naire, muli kubipaatiikagho bupaatiike imwe beene.”

Nehemia 6:8 Iomraidhean Croise

Nehemia 6:7

era otairegho abalanzi akulangirira mu Yerusalemu bati niiwe kyabazinga wa Buyudaaya. Kale ni idha tugheedhagane amagezi ku nsonga eyo, kuba abantu tibaalobe kugikoberaku kyabazinga.”

Yobu 13:4

Aye imwe mwogera bya buguya okughemba ku mazima muli ng'oti n'abayigha abatasobola kuwonia muntu.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Zabbuli 38:12

Abo abenda okundhita bantega entuula dhaibwe; abo abenda ngwe mu bizibu beekobaana bwe banaakola okunzikiriza, olunaku lwonalwona baalumala nga bategeka bwe banandyamu olukwe.

Zabbuli 52:2

olumala ng'otegeka kuzikiriza. Olulimi lukuli ng'oti kamwano akoogi, omuguya iwe.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Danieli 11:27

Mu birowoozo bya bakyabazinga abo bombi, mulibaamu kintu kirala kya kukolaganaku bulabe kyonka. Buli muntu aliguya mwine, ate nga batyaime ku kiiwulo kirala. Aye bye benda tibalibifuna, kuba ekiseera Katonda kye yategeka okubituukirizaamu kiriba kikaali.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

Ebikolwa by'Abatume 25:10

Aye Paulo yairamu ati: “Nhemereire mu maiso g'ekityamo kya Kaisari eky'obulamuzi ghe nteekwa okuwozesebwa. Tisobyanga ku Bayudaaya nga bw'okiidhi obukalamu.

Ebikolwa by'Abatume 25:7

Bwe baamuleeta, Abayudaaya abaava e Yerusalemu baamwezungulula, baamutaaku emisango eminene kamaala egiziraku budhulizi.