Nehemia 6:2 - Baibuli Ekibono kya Katonda 2014

² Saniballati ni Geshemu bampeereza obukwenda nga bakoba bati: “Idha twagaanane mu kyalo ekirala ku ebyo ebiri mu kiketezo eky'oku museetwe ogwetebwa Ono.” Aye nga baali n'ekigendererwa kyaibwe kya kunkola kabi.

Nehemia 6:2 Iomraidhean Croise

2 Samueli 20:9

Yoabu yaabuuza Amasa ati: “Kiri mulaala, muganda wange?” Era yaakozesa omukono gwe omusaadha yaamugema ekirevu, okumunhwegera.

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

1 Ebyomubyanda 8:12

Elipaali yazaala Eberi, ni Mishamu, ni Shemedi. Shemedi oyo n'eyazimba ebibuga, Ono ni Lodi, era n'obubuga obubyezungulwire.

Nehemia 11:35

ni mu Lodi, ni mu Ono, ni mu kiiko eky'abagheesi.

Nehemia 3:22

Bakabona ab'omu kiketezo eky'oku museetwe bano, n'abaalongoosa ebitundu ebyairaku ku kimante ekyo:

Nehemia 6:3

Naabagheereza abakwenda nga mbakoba nti: “Tighanga kwidha eyo, kuba omulimo gwe ndiku mukologho. Ndeka ntya omulimo ni gwemerera mbu kuba ndi kwidha eyo ye muli?”

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 37:12

Omubi yeesoomera okukola omuntu omutuufu obubi era amweguguna.

Zabbuli 37:32

Omubi yeeteega omuntu omutuufu nga ayenda amwite.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Yeremia 41:2

Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.