Nehemia 6:16 - Baibuli Ekibono kya Katonda 2014

¹⁶ Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Nehemia 6:16 Iomraidhean Croise

Nehemia 2:10

Aye Saniballati ow'e Bethi Horoni ni Tobia omugheereza Omuammoni bwe baakiwulira, baanakughala ebitaloodheka, okubona nga ghaligho omuntu eyali ali kukola ku lw'obulungi obw'abantu Abaisiraeli.

Nehemia 4:1

Agho Saniballati bwe yawulira ati tuli kuzimba ekimante okwezunguluza Yerusalemu, yaasungughala inho era yaabaaku ekiruyi ekitaloodheka. Olwo yaatoolera okutuma ife Abayudaaya.

Nehemia 4:7

Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Nehemia 6:17

Ate era, mu biseera ebyo abakungu Abayudaaya baaghandiikiranga Tobia embaluwa kamaala. Tobia yeena yaabairangamu.

Zabbuli 109:27

Wo Musengwa Katonda, abazigu bange ka bamanhe nga niiwe ondokola.

Zabbuli 126:2

Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

Zabbuli 129:5

Boonaboona abakyagha Sioni, bagwananga baabairirizaayo ekyeinhumainhuma baaswala.

Zabbuli 147:2

Musengwa Katonda ali kuzimba Yerusalemu buyaaka; ali kwiza Abaisiraeli abaali abanhage.

Okuvaayo 14:25

Yaaleetera enkede edh'ebigaali byaibwe eby'omu lutalo okwesiba, byaloba kutambula bukalamu. Abamisiri baakoba bati: “Musengwa Katonda ali kulwaniragho Abaisiraeli. Mukole tuve ghano tubalumuke.”

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Okubala 23:23

Ghazira irogo lisobola kulumya ba Yakobo, ghazira kulagula kusobola kutuusa kabi ku Baisiraeli abo. Okutoolaku abantu baidhanga kwogera ku Baisiraeli abo, bati, ‘Katonda ng'abakoleire eby'amaani!’

Ebikolwa by'Abatume 5:38

Kale ni ku kino, ka mbakobere: Muleke abasaadha bano, mubaviireku irala. Bino bye bali kukola bwe biba bya bantu buntu, biidha kufaagho,

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.