Nehemia 6:13 - Baibuli Ekibono kya Katonda 2014

¹³ Baamugula ayogere atyo, nze ntye era nkole ekibi, olwo beene bandhogereku bubi era banswazeswaze.

Nehemia 6:13 Iomraidhean Croise

Nehemia 6:12

Bwe nakirowoozaaku einho, naakitegeera nga Katonda ti n'eyatuma Shemaia oyo okwogera ebyo, aye nga Tobia ni Saniballati, n'abaamugula yeeyogeze ebyo abe ng'oti n'ali kundabula.

Nehemia 6:6

Embaluwa eyo yagighandiika ati: “Abamaghanga agandi bakoba, era ni Geshemu yeena yaakikakasa ati, iwe n'Abayudaaya muli kwetegeka kudheema. Kyemuva muli kuzimba ekimante ekyo. Era akoba ati iwe oli kwenda kufuuka kyabazinga waibwe,

Ensambo 22:1

Okuba n'empisa enkalamu mu bantu kuwula okuba n'eby'obukombe kamaala, era okuba omugonzi kuwula okuba ni zaabu oba feeza.

Ensambo 29:5

Omuntu asuutasuuta mwine, aba ali kumutega mutego.

Omulangirizi 7:1

Okuba n'eriina eirungi kuba kwa mughendo okusinga eby'akawoowo eby'omughendo; n'olunaku omuntu lw'afiiraku luba lulungi okusinga lw'azaalibwaku.

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Ezekieli 2:6

“Era iwe omuntu otabatyanga waire okutyanga bye boogera. Ni bw'onaababangamu ng'oti n'omuntu ali mu nkandwa ni mu mawa, oba ng'oti n'atyaime ku siga, otatyanga badheemu abo bye boogera waire okudhugumira olw'emmoga yaibwe eidhwire obukambwe.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Matayo 22:15

Agho Abafarisaayo baaja beekobaana engeri ye baghanga okumuleba mu by'ayogera.

Matayo 26:59

Bakabona Abakulu, n'embuga yoonayoona, baanoonia obudhulizi obw'okusubaayiriza ku Yesu, kwe babe basinziire okumwita.

Ebikolwa by'Abatume 6:13

Baamusimbaku abadhulizi abaguya abaakoba bati: “Omusaadha ono talekera kwogera bibono bivumirira kifo kitukuvu n'Amateeka

2 Ab'e Korintho 11:12

Kye nkola buti ndidha kweyongera okukikola, nsobole okulemya abo abeesaaka nga bakoba mbu bye bakola n'ife bye tukola biri ku musingi mulala.

1 Timotheo 5:14

Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

2 Timotheo 1:7

kuba Mwoyo Katonda y'atugha ti wa kutya, aye n'oyo atwidhuza amaani, okugonzania, n'okwefuga.

Tito 2:8

Kozesanga ebibono ebituufu byene omuntu by'atasobola kubisaamu maiso olwo, abazigu bo baswale olw'okubula ekibi kye basobola okutwogeraku.

Yakobo 4:17

Kale ni ole yeenayeena aidhi ekituufu eky'okukola aye n'atakikola aba agwire mu kibi.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”