Nehemia 5:9 - Baibuli Ekibono kya Katonda 2014

⁹ Naabakoba nti: “Kye muli kukola ti kirungi naire! Ekyandibagwaniire n'okutyanga Katonda waife memale olwo mwalobera abazigu baife abo abamaghanga agandi okutuyeeyerezanga.

Nehemia 5:9 Iomraidhean Croise

Amainhama 20:11

Aburahamu yairamu ati: “Kuba nabaire ndowooza nti eno ezira atya Katonda, kale nga basobola okundhita olwa mukazi wange.

Amainhama 42:18

Ku lunaku olw'okusatu Yosefu yaabakoba ati: “Nze ndi muntu atya Katonda. Kale mukole kye nja okukoba, memale mughange okuwonia obulamu bwaimwe:

2 Samueli 12:14

Aye olw'okuba wakola ekikolwa ekyo wanhooma inho Musengwa Katonda, omwana wo aidha kufa.”

Nehemia 4:4

Agho naasaba nti: “Wo Katonda waife, wulira bwe bali kutunhoomoola. Nkusaba ebivumo bye bali kutuvuma bibairirengaku beene. Era obagheeyo y'abazigu babanhageku ebyaibwe, babatwale mu nsi eyindi nga banhage.

Nehemia 5:10

Nze mwene, ni banange, n'abakozi bange, tubairenga nga tuwola abantu abo empiiya n'engaano. Nze mbeeghemba tubasonighe amagoba ago.

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Zabbuli 90:11

Naani aidhi amaani g'obusungu bwo kye gasobola okukola? Era naani ategeera obusungu bwo nga bwe butiisa?

Ensambo 16:29

Omuntu akola eby'obukambwe asendasenda n'abandi, yaabakoza ebintu ebitali bikalamu.

Ensambo 17:26

Tikiba kirungi kutanza muntu akola bituufu ataiziiza musango, era tikiba kituufu kubonereza muntu mukalamu.

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Ensambo 19:2

Ti kirungi muntu kukola kintu nga tasoose kulowooza, era ole agwidhubana n'ebintu talwa kugwa mu nsobi.

Ensambo 24:23

Dhino dhoona ndhogera dha ba magezi: Kiba kibi omuntu okusaliriza ng'ali kusala emisango.

Ezekieli 36:20

Aye mu buli ighanga mwe baajanga, nga boonoona eriina lyange eitukuvu, abantu baatuuka n'okuboogeraku bati, ‘Bano n'abantu ba Musengwa Katonda, aye ate baava mu nsi ye!’

Abalevi 25:36

Otamutoolangaku magoba waire, aye otyanga Katonda wo, waaleka Muisiraeli mwino yaaba gh'oli.

Ebikolwa by'Abatume 9:31

Agho Ekikunsu eky'Abaikiriza mu Kurisito eky'omu Buyudaaya mwonamwona, Galilaaya ni Samaria, kyaba miraala. Ekikunsu eky'Abaikiriza mu Kurisito kyakakata nga kiisa mu Musengwa ekitiisa, era kyagazigha nga Mwoyo Mutukuvu bw'akiyamba.

Ab'e Roma 2:24

Kyaghandiikibwa kiti: “Ku lwaimwe Abayudaaya eriina lyange livumibwa abamaghanga agandi.”

1 Timotheo 5:14

Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

Tito 2:5

Era batenga amagezi mu bye bakola, babenga baamufu, abakola obukalamu emirimo mu maka gaibwe, ab'ekisa era abawulize ye baibaibwe. Memale ekibono kya Katonda kirobenga kuvumibwa.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Samueli 2:24

Mulekere agho, baana bange! Ebintu bye mpulira ng'abantu baboogeraku eyo, ti bikalamu naire.