Nehemia 5:8 - Baibuli Ekibono kya Katonda 2014

⁸ Agho naabakoba nti: “Tukoze inho nga bwe tusobola, twanunula baganda baife, Bayudaaya banaife, okubatoola mu maghanga agandi ye baatundibwa. Aye mperaano mwena muli kutunda baganda baife abo, ife beene tubagule!” Abakulembeze abo baasiriikirira ng'eky'okwogera kibabuze.

Nehemia 5:8 Iomraidhean Croise

Nehemia 5:9

Naabakoba nti: “Kye muli kukola ti kirungi naire! Ekyandibagwaniire n'okutyanga Katonda waife memale olwo mwalobera abazigu baife abo abamaghanga agandi okutuyeeyerezanga.

Yobu 29:10

N'abakungu enimi dhaabeesibiranga ku bibuno!”

Yobu 32:15

“Yobu, bano basobeirwa, baabulwa eby'okwiramu. Bazira na kye bakaakoba.

Okuvaayo 21:16

“Omuntu yeenayeena anaawuuyanga omuntu n'amutunda, oba n'ayagaanibwa ng'ali naye, wa kwitibwanga.

Matayo 22:12

Yaamukoba ati, ‘Muna, ongire otya muno ng'ozira kivaalo kya ku mbaga?’ Ole yaabuudhaala bubuudhaale.

Matayo 25:15

Mulala yamugha talanta itaanu, owundi ibiri, n'owundi ndala, ng'ajiira ku busobozi bwaibwe, yaaja.

Matayo 25:29

Kuba buli aliku ni ky'ali nakyo alyongerwaku yaaba na bingi, aye azira, n'ekyo ky'ali nakyo kirimutoolebwaku.

Ab'e Roma 14:15

Bw'onakughaza owoluganda olw'eky'okulya, oba nga tokaakolera ku kugonza. Eky'okulya ky'olya kitaleeteranga muntu Kurisito ye yafiirira kuzikirira.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

1 Ab'e Korintho 8:11

Kale olw'okumanha kwo oba ozikiriiza owoluganda oyo omunafu, Kurisito ye yafiirira.

2 Ab'e Korintho 8:12

Kuba omuntu ayenda okugaba, asiimibwa Katonda olw'okugaba ekyo ky'ali nakyo se ti ekyo ky'azira.

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

Amateeka Agokubiri 24:7

“Omuntu bw'anaawuuyanga Muisiraeli mwine n'amufuula omwiru we oba n'amutunda, aidha kwitibwanga bwitibwe, olwo musobole okwetoolaku ekibi ekyo.