Nehemia 5:6 - Baibuli Ekibono kya Katonda 2014

⁶ Bwe nawulira okwemuluguunhia kwaibwe, naasungughala inho.

Nehemia 5:6 Iomraidhean Croise

Nehemia 13:25

Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Nehemia 13:8

Naasungughala inho era naatoola mu kisenge ekyo ebintu bya Tobia byonabyona, naabisuula kuliya.

Nehemia 5:7

Kale neebuuza mwene mule mu mwoyo eky'okukola. Agho naavumirira abakulembeze n'abakungu abo. Naabakoba nti: “Imwe muli kukamula mu baganda baimwe amagoba!” Era naayeta abantu okwesoloza, memale mbakobeku.

Zabbuli 119:53

Bwembona abakozi b'ebibi nga tibali kujiira ku mateeka go, obusungu bungema bungi.

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Okubala 16:15

Agho Musa yaasungughala inho era yaakoba Musengwa Katonda ati: “Otasiima kigheebwayo kyaibwe kyonakyona kye banaakuleetera. Nze nzira kintu kye natoola ku bantu abo, waire endogoyi endala eti. Era ghazira waire omulala ku abo ye nakolaku akabi.”

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,