Nehemia 5:4 - Baibuli Ekibono kya Katonda 2014

⁴ Ate abandi nga bakoba bati: “Twewola empiiya okusasula omusolo gwa kyabazinga ku nimiro dhaife, ni ku masamba gaife ag'emizabbibu.

Nehemia 5:4 Iomraidhean Croise

1 Bakyabazinga 9:21

Abaidhukulu b'abantu abo, Abaisiraeli be bataaghanga kuzikiriza, Solomoni be yakozesanga emirimo egy'olukako egy'obwiru. Era abo n'abakaagikola ni ye buli eno.

Ezera 4:13

Isebantu kyabazinga, abantu abo bwe bairamu okuzimba ekibuga ekyo, n'ebimante byakyo ebikyezungulwire ni babimaliriza, baidha kulekera agho okukughanga omusolo, n'empooza, n'ebisale ebindi byonabyona, era ekyo kiidha kukendeeza enfuna ey'obwakyabazinga.

Ezera 4:20

Era bakyabazinga ab'amaani baafuganga Yerusalemu ekyo, era baafuganga n'ekiketezo ekyo kyonakyona ekiri ere ng'osomoike omwiga Eufurate, nga baasolozaamu empooza, n'omusolo, n'ebisale ebindi.

Ezera 7:24

Twenda n'okubamanhisa tuti timwikirizibwa kusoloza musolo, oba empooza, oba ebisale ebindi byonabyona, okuva ku kabona yeenayeena, oba ku Balevi, oba ku bembi, oba ku bakuumi b'emiryango, oba waire ku bagheereza abandi boonaboona ab'omu isinzizo.

Nehemia 5:3

Ghaabaagho abandi nga bakoba bati: “Ife tuli kusinga enimiro dhaife, n'amasamba gaife ag'emizabbibu, n'endhu dhaife, okufuna engaano ey'okulya tuwone endhala.”

Nehemia 9:37

Bakyabazinga be wataagho okutufuganga, n'abatwala ebyo ebiva mu nsi eyo, olw'okuba twayonoona. Bali n'obuyinza okukola kye benda ku byayo byaife ni ku ife beene. Kale tuli mu bughafu obutoogerekeka.”

Ensambo 22:7

Abakombe n'abafuga abaavu, era ole eyeewola afuuka mwiru w'ole amuwola.

Yoshua 16:10

Aye tibaabingamu Bakanaani be baayagaana nga n'ababa mu Gezeri. Era ni ye buli eno Abakanaani baba ghalala n'Abaefuraimu aye nga baafuulibwa bairu abakola emirimo egy'olukako.