Nehemia 5:13 - Baibuli Ekibono kya Katonda 2014

¹³ Era naakunkumula olusibiro lwange nga nkoba nti: “Katonda agwananga yaakunkumula atyo omuntu yeenayeena ataatuukirizenga kisuubizo ky'akoze olwaleero luno, yaamutoola mu ndhu ye ni ku mulimo gwe. Omuntu oyo akunkumulwenga, asigalenga mukaya bekayakaya.” Abantu abaali beesoloiza bairamu buti: “Amiina!” Era baasaaka Musengwa Katonda. Abantu baakola nga bwe baasuubiza.

Nehemia 5:13 Iomraidhean Croise

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

1 Ebyomubyanda 16:36

Musengwa Katonda, Katonda wa Isiraeli asaakibwe! Asaakibwe buti, era asaakibwenga ebyanda n'ebyanda. Agho abantu boonaboona bakoba bati: “Amiina!” Era baasaaka Musengwa Katonda.

Nehemia 8:6

Ezera oyo yaasaaka Musengwa Katonda, Katonda omukologho. Abantu boonaboona bairamu bati: “Amiina, Amiina,” nga basituliire emikono gyaibwe ghaigulu. Era baakuba amakiryaivu, baakutama n'ebyeni byatuuka ku itaka, baasinza Musengwa Katonda.

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Zabbuli 76:11

Imwe abantu mutuukirize eri Musengwa Katonda, oyo Katonda waimwe ebyo bye mweyama; imwe abali mu biketezo ebimwezungulwire mwenamwena mumutonere ebirabo, oyo atiibwa abantu boonaboona.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Omulangirizi 5:5

Omala galekayo okweyama, aye oteeyamye n'oloba kutuukiriza kye weeyama.

Okubala 5:22

Leka amaadhi gano agaleeta ekikolimo gakungire mu byenda, ozimbezimbe n'omugulu gwo gukutukeku.’ “Omukazi oyo aidha kwirangamu ati: ‘Amiina, Amiina.’

Matayo 10:14

Bwe ghabangagho omuntu yeenayeena aloba okubakyaza, oba okuwulira ebibono byaimwe, mukunkumulanga enkungu mu bigere byaimwe nga muva mu ndhu ye oba mu kibuga ekyo.

Ebikolwa by'Abatume 13:51

Aye Paulo ni Barunaba baakunkumulira abantu abo enkungu ey'omu bigere byaibwe, baaja mu Ikonio,

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

1 Ab'e Korintho 14:16

Kuba bw'osiima Katonda mu mwoyo, omuntu atategeera ky'okoba aghanga atya okwiramu ati, “Amiina” ng'omaze okusaba?

1 Samueli 15:28

Samueli yaamukoba ati: “Musengwa Katonda akukanwireku obwakyabazinga bwa Isiraeli olwaleero, yaabugha muliraanwa wo akusinga obulungi.