Nehemia 5:12 - Baibuli Ekibono kya Katonda 2014

¹² Agho abakulembeze abo baakoba bati: “Twidha kubairiza ebintu ebyo, era titukaababandha kintu kyonakyona. Twidha kukola nga bw'okobye.” Naayeta bakabona baalayiza abakulembeze abo, okukola nga bwe baasuubiza.

Nehemia 5:12 Iomraidhean Croise

Ezera 10:12

Agho abantu boonaboona abaali beesoloiza bamwiramu nga baleekaana bati: “N'ekyo kyene. Tuteekwa kukola nga bw'okobye.

Ezera 10:5

Ezera yaasituka, yaakoba abakulembeze ba bakabona, n'aba Abalevi, n'aba Abaisiraeli boonaboona, balayire bati baidha kwawukana n'abakazi abamaghanga agandi. Kale baakola omukolo ogw'okulayira.

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Nehemia 10:30

Titwidha kufumbirwagananga na bamaghanga gandi, nga tughaayo baghala baife okubayira batabane baibwe, oba okutoola baghala baibwe okubayira batabane baife.

Nehemia 10:31

Abamaghanga agandi abo bwe banaaleetanga eby'okulya oba ebintu ebindi byonabyona okubitunda ku Sabbato, oba ku lunaku olundi olutukuvu, titwidha kubagulangaku. “Buli mwaka ogwomusanvu titwidha kukungulanga bibala bya mu misiri, era twidha kusonighanga abantu amabandha ge tubabandha.

Nehemia 13:25

Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Nehemia 5:11

Mubairize olwaleero luno ebyo bye mubaire mubakakanga babaghe: enimiro dhaibwe, n'amasamba gaibwe ag'emizabbibu, n'ag'emiti emyoliva, n'endhu dhaibwe, n'ekitundu ekirala ekirala ku buli bitundu kikumi eby'empiiya dhe bafuna, n'engaano, n'omwenge ogw'emizabbibu, n'omuzigo ogw'emiti emyoliva.”

Matayo 26:63

Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”