Nehemia 4:7 - Baibuli Ekibono kya Katonda 2014

⁷ Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Nehemia 4:7 Iomraidhean Croise

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

2 Bakyabazinga 24:2

Agho Musengwa Katonda yaasindika ebikunsu eby'abalwani Abakaladea, n'eby'Abasiria, n'eby'Abamoabu, n'eby'Abammoni, baidha okulumba Yehoiakimu, bazikirize Buyudaaya nga Musengwa Katonda bwe yakoba ng'abita mu bagheereza be abalanzi.

2 Ebyomubyanda 20:1

Ebyo nga biwoire, Abamoabu, n'Abammoni, ghalala n'abandi ku Bameuni, baidha baalumba Yehoshafati okumulwanisa.

Ezera 5:8

“Isebantu kyabazinga, tuli kukumanhisa tuti twaja mu kiketezo eky'e Buyudaaya, twatuuka ku isinzizo lya Katonda oyo omukologho. Twayagaana nga bali kulizimba n'amabaale amabaadhe amanene, nga n'emiti bali kugizimbira mu bimante. Omulimo bali kugukola n'obwegendereza era guli kuja mu maiso.

Nehemia 2:10

Aye Saniballati ow'e Bethi Horoni ni Tobia omugheereza Omuammoni bwe baakiwulira, baanakughala ebitaloodheka, okubona nga ghaligho omuntu eyali ali kukola ku lw'obulungi obw'abantu Abaisiraeli.

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Nehemia 4:1

Agho Saniballati bwe yawulira ati tuli kuzimba ekimante okwezunguluza Yerusalemu, yaasungughala inho era yaabaaku ekiruyi ekitaloodheka. Olwo yaatoolera okutuma ife Abayudaaya.

Nehemia 4:6

Kale tweyongera okuzimba ekimante, twaja nga tukiyunga ghalala kyonakyona okwezungulula, twakituusa ghagati mu kuja ghaigulu kuba abantu baali n'omwoyo ogwenda okukola.

Nehemia 4:8

Era boonaboona beekobaana okulumba Yerusalemu, bakireetemu okutabukatabuka.

Nehemia 6:16

Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Yeremia 25:20

abasenze boonaboona abaali mu Misiri, ni bakyabazinga ab'omu nsi Uzi, ni bakyabazinga boonaboona ab'omu bibuga eby'Abafilisiti eby'e Ashikeloni, n'e Gaza, n'e Ekuroni, n'abandi abasigairegho ab'e Ashidodi

Yeremia 41:10

Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Amosi 1:8

Era nja kuzikiriza abafuzi ababa mu bibuga Ashidodi ni Ashikeloni, era mbonereze ekibuga Ekuroni, n'Abafilisiti abaliba bawoniegho bazikirire.”

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

Ebikolwa by'Abatume 5:33

Abakiise bwe baawulira kino baasungughala inho era baayenda na kubaita.

Okwolekebwa 12:17

Ogusota gwasungughalira inho omukazi, gwaja okulumba abasigairegho mu izaire lye abo abagema ebiragiro bya Katonda era abadhulira Yesu.

1 Samueli 11:2

Aye Nahashi yaabakoba ati: “Ndidha kukola n'imwe endagaano, bwe munaaganha ni ntundulamu eriiso lya buli muntu ery'oku mukono omusaadha, olwo ndeetere Isiraeli yoonayoona okunhoomebwa.”