Nehemia 4:6 - Baibuli Ekibono kya Katonda 2014

⁶ Kale tweyongera okuzimba ekimante, twaja nga tukiyunga ghalala kyonakyona okwezungulula, twakituusa ghagati mu kuja ghaigulu kuba abantu baali n'omwoyo ogwenda okukola.

Nehemia 4:6 Iomraidhean Croise

1 Ebyomubyanda 29:14

“Aye nze n'abantu bange katyo niife baani, twena okukoba tuti tughanga okukugha iwe ekintu kyonakyona nga twenda? Byonabyona niiwe obitugha, era ku bibyo by'otugha kwe tutoire okukutonera.

1 Ebyomubyanda 29:3

Era nhongereiza ku ebyo bye nteereiregho eisinzizo, naaghaayo zaabu ni feeza nga ntoola ku by'obukombe ebyange ku bwange, olw'okuba ngonza inho eisinzizo lya Katonda wange eryo.

2 Ebyomubyanda 29:36

Agho Hezekia n'abantu boonaboona baasagamba, kuba Katonda yababeera, baakola ebintu ebyo byonabyona amangu gatyo.

Nehemia 4:5

Otabasonigha naire omusango gwaibwe ogwo, waire okwerabira ekibi kyaibwe ekyo, kuba bakusoononkereiza, baakusungughaza mu maiso gaife abali kuzimba.”

Nehemia 4:7

Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Nehemia 6:15

Kale ku lunaku olwamakumi abiri n'eitaanu (25) olw'omwezi ogwetebwa Elulu, twamaliriza okuzimba ekimante ekyo. Omulimo ogwo twagukola mu nnaku amakumi ataanu na ibiri.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Zabbuli 122:3

Ekibuga Yerusalemu kyazimbibwa nga kyonakyona kyagemagana bukalamu.

Haggai 1:14

Agho Musengwa Katonda yaata mu bantu abo boonaboona omwoyo ogwenda okukola. Omwoyo ogwo yaaguta mu Zerubbabeli mutabane wa Shealutieli era omufuzi wa Buyudaaya, ni mu Yoshua mutabane wa Yehozadaki era omukulu wa bakabona, ni mu bantu boonaboona abaira okuva mu bunhage. Baatoolera okukola ku isinzizo lya Musengwa Katonda Afuga Amagye Katonda waibwe,

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.