Nehemia 4:3 - Baibuli Ekibono kya Katonda 2014

³ Tobia Omuammoni eyali agho naye yaakoba ati: “Bwenebwene ekimante kyaibwe ekyo eky'amabaale kye bali kuzimba, ekibe bwe kikiniinaku kimenheka bumenheke.”

Nehemia 4:3 Iomraidhean Croise

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

1 Bakyabazinga 20:18

Yaalagira ati: “Bwe baba nga baidhie lwa miraala, mubageme mubaleete nga balamu, ni bwe banaaba nga baidhie kulwana, era mubageme mubaleete nga balamu.”

2 Bakyabazinga 18:23

Mpegaano ni, ka mbasonsoonie mu liina lya musengwa wange kyabazinga w'e Assiria: ndidha kubagha imwe embalaasi enkumi ebiri (2,000), bwe munaasobola okufunayo abanaadhivuga!

Nehemia 2:10

Aye Saniballati ow'e Bethi Horoni ni Tobia omugheereza Omuammoni bwe baakiwulira, baanakughala ebitaloodheka, okubona nga ghaligho omuntu eyali ali kukola ku lw'obulungi obw'abantu Abaisiraeli.

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Nehemia 6:1

Agho baakobera Saniballati, ni Tobia, ni Geshemu Omuwarabu, n'abazigu baife abandi boonaboona, bati namala okuzimba ekimante ekyo, era nga tikikaalimu bituli aye nga mu butuufu, mu kiseera ekyo nali nkaali kuta ndhigi mu miryango.

Okulira 5:18

Olw'okuba olusozi Sioni lwasigalira agho nga tighakaali alubaaku, ebibe ni byonka ebirutambuliratambuliraku nga byagala eky'okulya.

Amateeka Agokubiri 23:3

“Omuammoni n'Omumoabu, ni baidhukulu baibwe, okutuukira irala ku luse olweikumi, tibaabalirwenga mu bantu ba Musengwa Katonda ebyanda n'ebyanda.