Nehemia 3:5 - Baibuli Ekibono kya Katonda 2014

⁵ Abantu ab'e Tekoa baazimba ekitundu ekyairaku ku kimante ekyo, aye abakungu baayo baaloba okukola omulimo Musengwa Katonda waibwe gwe yabagha.

Nehemia 3:5 Iomraidhean Croise

2 Samueli 14:2

Kale Yoabu yaayetesa omukazi omugezigezi, baamuleeta okuva e Tekoa. Yaamukoba ati: “Weekoze obe ng'oti n'omuntu afiiriirwa, weesibe ekikaakaati, era olobe kwesiigaku kazigo naire obeere irala ng'omuntu amaze entangama ng'alira omufu.

2 Ebyomubyanda 11:6

Bethelehemu, ni Etamu, ni Tekoa,

Nehemia 3:27

Abantu ab'e Tekoa baalongoosa kabiri ekitundu ekindi ekyairaku ku kimante ekyo, okuva agho ng'olingiriire ekituuti ekirengererwaku ekikologho era ekireeyiriri, okutuuka ku kimante kya Ofeli.

Nehemia 3:4

Ekitundu ekyairaku, Meremothi mutabane wa Uria era mwidhukulu wa Hakkozi, n'eyakizimba. Ku oyo kwairaku Meshullamu mutabane wa Berekia era mwidhukulu wa Meshezabeli, yaazimba ekitundu ekyairaku ku kimante ekyo. Zadoki mutabane wa Baana yairaku, yaazimba ekitundu ekyairaku.

Nehemia 3:6

Yoiyada mutabane wa Pasea ni Meshullamu mutabane wa Besodeia, baalongoosa ogwetebwa Omulyango Omukaire. Baasimbagho emyango gyagwo, baataamu endhigi dhaamu, era endhigi edho baadhitaaku eminhololo n'ebisiba ebindi.

Yeremia 27:12

Ekintu n'ekirala ekyo, kye nakoba kyabazinga Zedekia ow'e Buyudaaya nti: “Ganha kyabazinga ow'e Babilonia akufuge, ogonde ng'oti n'ensolo bw'egonda n'evaala mu nkoto ekikoligo kya musengwa waayo. Omugheereze mwene n'abantu be, memale obe omulamu.

Yeremia 27:2

neekolereyo ekikoligo mu miti nga ngisibye n'enkoba, nkivaale mu nkoto.

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Ebikolwa by'Abatume 15:10

Kale mperaano, lwaki muleba Katonda nga mutwika abaikiriza emigugu badhaadha baife, waire ife, gye tutaghanga kwetwika?

1 Ab'e Korintho 1:26

Aboluganda, mwidhukire bwe mwali Katonda lwe yabeeta. Batono ku imwe ensi be yali etwala ng'abagezi, batono abaali ab'obukumu oba abakungu.

Abalamuzi 5:23

Malaika wa Musengwa Katonda akoba ati: “Mukolimire Merozi, mukolimire inho abatyamye baamu; kuba tibaidha kubeeraku Musengwa Katonda, mu kulwanisa ab'amaani.”