Nehemia 3:3 - Baibuli Ekibono kya Katonda 2014

³ Batabane ba Hassena baazimba ogwetebwa Omulyango ogw'Ebyenhandha. Baasimbagho emyango gyagwo, baataamu endhigi dhaamu, era endhigi edho baadhitaaku eminhololo n'ebisiba ebindi.

Nehemia 3:3 Iomraidhean Croise

2 Ebyomubyanda 33:14

Ebyo nga biwoire, Manasse yaazimba ekimante eky'okuliya ku kyetebwa Ekibuga kya Daudi ku luuyi lwa Gihoni olw'e buvandhuba mu kiiko, okutuuka aghaingirirwa mu gwetebwa Omulyango ogw'Ebyenhandha, n'okutuukira irala mu kitundu ekyetebwa Ofeli ekiri mu kibuga ekyo. Yaakizimba yaakituusa ghaigulu inho. Era yaata n'abaduumizi b'eigye mu bibuga ebindi ebyezungulwirwa ebimante ebigumu mu Buyudaaya.

Ezera 2:35

ate abantu ab'e Sena baaba enkumi isatu na lukaaga n'asatu (3,630).

Nehemia 12:39

Bwe twava agho, twatuuka ku gwetebwa Omulyango Ogwa Efuraimu, era twaja twatuuka ku gwetebwa Omulyango Omukaire. Era tweyongerayo twatuuka ku gwetebwa Omulyango ogw'Ebyenhandha, ni ku kyetebwa Ekituuti ekya Hananeli, era ni ku kyetebwa Ekituuti Ekyekikumi. Bwe twava agho twatuuka ku gwetebwa Omulyango gw'Entaama, olwo twatuuka ku gwetebwa Omulyango Ogwabakuumi, era twakoma agho.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Nehemia 3:4

Ekitundu ekyairaku, Meremothi mutabane wa Uria era mwidhukulu wa Hakkozi, n'eyakizimba. Ku oyo kwairaku Meshullamu mutabane wa Berekia era mwidhukulu wa Meshezabeli, yaazimba ekitundu ekyairaku ku kimante ekyo. Zadoki mutabane wa Baana yairaku, yaazimba ekitundu ekyairaku.

Nehemia 3:6

Yoiyada mutabane wa Pasea ni Meshullamu mutabane wa Besodeia, baalongoosa ogwetebwa Omulyango Omukaire. Baasimbagho emyango gyagwo, baataamu endhigi dhaamu, era endhigi edho baadhitaaku eminhololo n'ebisiba ebindi.

Nehemia 6:1

Agho baakobera Saniballati, ni Tobia, ni Geshemu Omuwarabu, n'abazigu baife abandi boonaboona, bati namala okuzimba ekimante ekyo, era nga tikikaalimu bituli aye nga mu butuufu, mu kiseera ekyo nali nkaali kuta ndhigi mu miryango.

Nehemia 7:1

Ekimante bwe kyawa okuzimbibwa era nga mmaze n'okutaamu endhigi dhaamu, naataagho abakuumi b'emiryango, n'abembi, era naagha n'Abalevi abandi emirimo gyaibwe egy'okukolanga.

Nehemia 7:38

ate abantu ab'e Senaa baaba enkumi isatu na lwenda n'asatu (3,930).

Zabbuli 147:13

Agumya emiryango gyaimwe, era yaagha enkabi abantu baimwe.

Zefania 1:10

Era Musengwa Katonda akoba ati: “Ku lunaku olwo, ghaja kubaagho okulira gha Mulyango ogwetebwa ogw'Ebyenhandha ogw'ekibuga Yerusalemu, era ghabeegho okuwowoola mu Kiketezo Ekiyaaka eky'ekibuga ekyo, era ghabeegho okugwa okw'amaani mu nsozi.