Nehemia 3:26 - Baibuli Ekibono kya Katonda 2014

²⁶ n'abagheereza ab'omu isinzizo abaabanga mu kifo ekyayetebwanga Ofeli. Abo baalongoosa ekitundu ekyairaku ku kimante ekyo, okutuuka mu kifo ekiringiriire ogwetebwa Omulyango ogw'Amaadhi mu buvandhuba, era nga n'aghali ekituuti ekirengererwaku ekireeyiriri.

Nehemia 3:26 Iomraidhean Croise

1 Ebyomubyanda 9:2

Kale abaasooka okwira mu bibandha byaibwe ni mu bibuga byaibwe, baali abandi ku Baisiraeli ababuliidho, ni bakabona, n'Abalevi, abaagheerezanga mu isinzizo.

2 Ebyomubyanda 27:3

Yaazimba omulyango ogw'eitale ogw'eisinzizo lya Musengwa Katonda, era yaakola inho ku kuzimba ekimante ekigumu eky'oku kibuga Yerusalemu, mu kitundu ekyetebwa Ofeli.

2 Ebyomubyanda 33:14

Ebyo nga biwoire, Manasse yaazimba ekimante eky'okuliya ku kyetebwa Ekibuga kya Daudi ku luuyi lwa Gihoni olw'e buvandhuba mu kiiko, okutuuka aghaingirirwa mu gwetebwa Omulyango ogw'Ebyenhandha, n'okutuukira irala mu kitundu ekyetebwa Ofeli ekiri mu kibuga ekyo. Yaakizimba yaakituusa ghaigulu inho. Era yaata n'abaduumizi b'eigye mu bibuga ebindi ebyezungulwirwa ebimante ebigumu mu Buyudaaya.

Nehemia 10:28

Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 11:21

Aye abantu abaagheerezanga mu isinzizo, baabanga mu Yerusalemu mu kiketezo ekyetebwa Ofeli, era Ziha ni Gishipa nga n'abalabirira emirimo gyaibwe.

Nehemia 12:37

Agho baatuuka ku gwetebwa Omulyango ogw'Ensulo, baaja busimbalaala baaniina amadaala ag'ekyetebwa Ekibuga kya Daudi, okutuuka ekimante ekyo ghe kibitira ku ndhu ya Daudi, olwo baatuuka ku gwetebwa Omulyango ogw'Amaadhi e buvandhuba w'ekibuga.

Nehemia 3:27

Abantu ab'e Tekoa baalongoosa kabiri ekitundu ekindi ekyairaku ku kimante ekyo, okuva agho ng'olingiriire ekituuti ekirengererwaku ekikologho era ekireeyiriri, okutuuka ku kimante kya Ofeli.

Nehemia 8:1

Agho Abaisiraeli boonaboona nga bali kitole, beesololeza mu luya emberi gh'ogwetebwa Omulyango ogw'Amaadhi. Baakoba Ezera omunamateeka aleete Ekitabo ky'Amateeka, Musengwa Katonda ge yagha Isiraeli ng'abita mu Musa.

Nehemia 8:16

Kale abantu baaja baaleeta ensaga edho, baazimba entindi ku ngulu kw'endhu dhaibwe, ni mu mpya dhaibwe, ni mu luya olw'eisinzizo lya Katonda, ni mu luya oluli gha Mulyango ogw'Amaadhi, ni mu luya oluli gha Mulyango ogw'Efuraimu.

Nehemia 8:3

Yaakibasomera boonaboona okuva ku nkyo okutuusa mu kasana ghagati, ng'alingiriire y'oluya oluli emberi gh'Omulyango ogw'Amaadhi. Era boonaboona baatega amatu okuwulirisa ebiva mu Kitabo ekyo eky'Amateeka.

Isaia 32:14

Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.