Nehemia 3:24 - Baibuli Ekibono kya Katonda 2014

²⁴ Ku oyo kwairaku Binnui mutabane wa Henadadi, yaalongoosa ekitundu ekyairaku ku kimante ekyo, okuva ku ndhu ya Azaria okutuuka ekimante ghe kigonhokera.

Nehemia 3:24 Iomraidhean Croise

Ezera 3:9

Yeshua ni batabane be, n'ab'oluganda lwe, ni Kadimieli ni batabane be ab'oku nda ya Yuda, beeyimba ghalala baatwala obuvunaanizibwa obw'okulabiriranga abantu abaali ku gw'okuzimba eisinzizo lya Katonda. Ab'oku nda ya Henadadi, n'Abalevi nga bali ghalala ni batabane baibwe, n'aboluganda lwaibwe baabeeyimbaku mu kukola omulimo ogwo.

Nehemia 10:10

Ni baganda baibwe bano: Shebania, ni Hodia, ni Kelita, ni Pelaia, ni Hanani,

Nehemia 10:9

Bano n'Abalevi abaataaku ebinkumu byaibwe: Yeshua mutabane wa Azania, ni Binnui owundi ku batabane ba Henadadi, ni Kadimieli.

Nehemia 3:11

Malikiya mutabane wa Harimu, ni Hassihubu mutabane wa Pahathi Moabu, bombi baalongoosa ekitundu ekyairaku ku kimante ekyo, era baalongoosa n'Omunaala ogw'Eziiko.

Nehemia 3:19

Ku oyo kwairaku Ezeri mutabane wa Yeshua eyafuganga ekiketezo eky'e Mizipa, yaalongoosa ekitundu ekiringiriire ghe batereka eby'okulwanisa, okutuukira irala ku kimante ghe kigonhokera.

Nehemia 3:23

Benjamini ni Hassihubu, n'abaalongoosa ekitundu ekyairaku ku kimante ekyo, ekyali nga kirinzagainia n'endhu dhaibwe. Ku abo kwairaku Azaria mutabane wa Maaseia era mwidhukulu wa Anania, yaalongoosa ekitundu ekyairaku ku kimante ekyo, ekyali kiriiraine endhu ye.

Nehemia 3:27

Abantu ab'e Tekoa baalongoosa kabiri ekitundu ekindi ekyairaku ku kimante ekyo, okuva agho ng'olingiriire ekituuti ekirengererwaku ekikologho era ekireeyiriri, okutuuka ku kimante kya Ofeli.