Nehemia 3:15 - Baibuli Ekibono kya Katonda 2014

¹⁵ Shallumu mutabane wa Kolihoze, eyafuganga ekiketezo ky'e Mizipa, n'eyalongoosa ogwetebwa Omulyango ogw'Ensulo. Yaaguzimba buyaaka, yaagusereka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi. Era yaazimba n'ekimante eky'oku Kidiba kya Shela okumpi n'enimiro ya kyabazinga, yaakituukiza irala aghaali amadaala agaika okuva mu kyetebwa Ekibuga kya Daudi.

Nehemia 3:15 Iomraidhean Croise

2 Samueli 5:9

Agho Daudi yaaba mu kifo ekyo eky'okwewogomamu, yaakituuma eriina “Ekibuga kya Daudi.” Yaazimba ku kifo ekyo ekibuga okukyezunguluza, ng'aviira mu kifo kye baidhuzaamu eitaka olw'okwekuuma abazigu, ekyayetebwanga Millo, yaaja ng'aira munda.

2 Bakyabazinga 25:4

Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

2 Ebyomubyanda 32:30

Era Hezekia mwene oyo, n'eyasemba omweta ogw'amaadhi ogw'eitale, ogw'ensulo ya Gihoni. Yaasimagho ogundi ogwaleetera amaadhi ago okukuuluulira ku luuyi olw'e bugwandhuba bw'ekibuga kya Daudi. Hezekia oyo ebintu byonabyona byamujiiranga bukalamu.

Nehemia 12:37

Agho baatuuka ku gwetebwa Omulyango ogw'Ensulo, baaja busimbalaala baaniina amadaala ag'ekyetebwa Ekibuga kya Daudi, okutuuka ekimante ekyo ghe kibitira ku ndhu ya Daudi, olwo baatuuka ku gwetebwa Omulyango ogw'Amaadhi e buvandhuba w'ekibuga.

Nehemia 2:14

Agho naaja ku gwetebwa Omulyango ogw'Ensulo, ku Kidiba kya Kyabazinga. Aye ng'eyo ezira ngira mwe mpanga kubisa nsolo ye nali ndi kuvuga.

Nehemia 2:17

Agho naabakoba nti: “Mubona obuzibu bwe tulimu? Buti Yerusalemu baakizikiriza kyafuuka bifulukwa byereere, n'emiryango gyakyo baagyokya omuliro. Kale ni mwidhe tuzimbe ekimante ku Yerusalemu tulekere agho kuswala.”

Nehemia 3:12

Ku abo kwairaku Shallumu mutabane wa Halloheshi, eyafuganga ekitundu ekindi ku kiketezo kire eky'e Yerusalemu, yaalongoosa ekitundu ekyairaku ku kimante ekyo, ng'ayambibwaku baghala be.

Nehemia 3:14

Malikiya mutabane wa Rekabu eyafuganga ekiketezo ky'e Bethi Hakkeremu n'eyalongoosa ogwetebwa Omulyango ogw'Obusa. Yaaguzimba buyaaka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi.

Nehemia 3:19

Ku oyo kwairaku Ezeri mutabane wa Yeshua eyafuganga ekiketezo eky'e Mizipa, yaalongoosa ekitundu ekiringiriire ghe batereka eby'okulwanisa, okutuukira irala ku kimante ghe kigonhokera.

Nehemia 3:7

Ku abo kwairaku Melatia ow'e Gibeoni, ni Yadoni ow'e Meronothi, n'abantu abandi ab'e Gibeoni n'ab'e Mizipa abaali bafugibwa omukungu w'ekiketezo ekiri ere ng'osomoike omwiga Eufurate abo boona baakola ogw'okulongoosa.

Nehemia 3:9

Ku oyo kwairaku Refaia mutabane wa Huri eyafuganga ekitundu ku kiketezo ky'e Yerusalemu, yaalongoosa ekitundu ekyairaku ku kimante ekyo.

Omulangirizi 2:6

Naasima ebidiba eby'okutoolangamu amaadhi ag'okufukirira emiti egyo.

Isaia 8:6

Yankoba ati: “Abantu bano nga bwe balobye amaadhi ag'akaiga Shiloa agakuuluula empola, aye ni basanhuka olwa Rezini ni Peka mutabane wa Remalia abaidhie okubabeera,

Yeremia 40:6

Naaja ye Gedalia e Mizipa, naabanga eyo ghalala naye mu bantu be bataatwala Babilonia mu bunhage.

Luka 13:4

“Oba abo eikumi n'omunaana, omunaala ogw'e Siloamu be gwagwaku ni gubaita. Mulowooza muti baali boonooni okusinga abantu boonaboona abaabanga mu Yerusalemu?

Yoanne 9:7

Yaamukoba ati: “Ja onaabe mu maiso mu kidiba ky'e Siloamu.” (Eriina eryo litegeeza, “atumiibwa?”) Kale yaaja, yaanaaba, yaira ng'abona.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.

Abalamuzi 20:3

Mu kiseera ekyo ab'omu kika kya Benjamini baawulira bati Baisiraeli banaibwe abandi boonaboona beesololeiza e Mizipa. Abaisiraeli baabuuza bati: “Tukobere, ekibi kino kyava ku ki okukolebwa?”