Nehemia 2:6 - Baibuli Ekibono kya Katonda 2014

⁶ Agho Isebantu kyabazinga oyo, nga n'inhebantu amutyamiire kumpi agho, yambuuza ati: “Oja kubaayo enaku imeka, era oliira li?” Kale kyabazinga yaaganha okundeka nje. Naamukobera ekiseera kye nali ow'okwiriraku.

Nehemia 2:6 Iomraidhean Croise

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Nehemia 13:6

Ate ebyo byaja okubaagho nga nze tiri mu Yerusalemu, kuba mu mwaka ogwamakumi asatu n'ebiri (32) ogw'obufuzi bwa kyabazinga Arutazerizesi ow'e Babilonia, nali nga njiire Babilonia ye kyabazinga mwene oyo. Aye nga ghabiseeghooku entangama, naamusaba yanganha, naira e Yerusalemu.

Nehemia 2:4

Kyabazinga yambuuza ati: “Buti oli kunsaba nkukolere ki?” Agho naasooka naasaba Katonda ow'eigulu,

Nehemia 2:5

memale naakoba kyabazinga nti: “Isebantu kyabazinga, bw'oba ng'osiima bye nkola era nga tikiikusungughaze, nkusaba ondeke nje e Buyudaaya, mu kibuga omuli amagombe ga badhaadha bange, ndhiremu okukizimba.”

Nehemia 5:14

Mu myaka gyonagyona eikumi n'ebiri gye namala nga ndi mufuzi wa Buyudaaya, okuva mu mwaka ogwamakumi abiri (20) nga Arutazerizesi ni kyabazinga, okutuuka mu mwaka gwe ogwamakumi asatu n'ebiri (32), nze waire baganda bange, ghazira yalya ku mere eyandibaire esalirwa abantu okugireetera omufuzi.

Isaia 58:12

Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Isaia 61:4

Balizimba buyaaka ebifo eby'eira ebyayonooneka, era baizaagho buyaaka ebyo ebyali bifuuse ebifulukwafulukwa. Balirongoosa ebibuga ebyayonoonebwa ni bimala emyaka kamaala nga birekeibwa bw'agho bityo.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.