Nehemia 2:3 - Baibuli Ekibono kya Katonda 2014

³ Agho naatya inho, naakoba kyabazinga nti: “Isebantu kyabazinga, ghangaala byanda na byanda! Nnaalobera ki okwekapa mu maiso, ng'ate ekibuga omuli amagombe ga badhaadha bange bakizikiriiza kiri bifulukwa byereere, nga n'emiryango gyakyo bagyokiikya omuliro?”

Nehemia 2:3 Iomraidhean Croise

1 Bakyabazinga 1:31

Agho Bathisheba yaakuba amakiryaivu, yaakutama n'ekyeni kyatuuka ku itaka mu maiso ga kyabazinga. Yaakoba ati: “Isebantu kyabazinga Daudi, ghangaala byanda na byanda!”

2 Bakyabazinga 25:8

Ku lunaku olwomusanvu, mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 28:27

Agho Ahazi yaafa yeeyimba ku badhaadha be abaafa, era yaaziikibwa mu kibuga Yerusalemu aye ti mu lwambiidhi lwa bakyabazinga. Mutabane we Hezekia yaamusikira ku bwakyabazinga.

2 Ebyomubyanda 32:33

Agho Hezekia yaafa, yeeyimba ku badhaadha be abaafa, era yaaziikibwa mu kitundu eky'eitale mu lwambiidhi lwe baazikangamu baidhukulu ba Daudi. Abantu ab'omu Buyudaaya n'ab'omu Yerusalemu baamulira mu kitiibwa inho. Mutabane we Manasse yaamusikira ku bwa kyabazinga.

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Nehemia 2:13

Naaja obwire obwo naabita mu Mulyango ogw'omu Kiiko, era naabitira ku Nsulo ey'Ogusota, naatuuka ku Mulyango gw'Obusa. Naajanga nga neekebeedha ebimante ebyezungulwire Yerusalemu bye baamenhamenha, n'emiryango gyakyo gye baayokya omuliro.

Zabbuli 102:14

Abagheereza bo bagonza inho Sioni waire nga kyazikirizibwa; era bakirumirwa inho waire nga kyasigala bwa bifunfugu.

Zabbuli 102:15

Ensi dhoonadhoona dhija kutya eriina lya Musengwa Katonda; ni bakyabazinga boonaboona ab'oku nsi baja kutya ekitiisa kye.

Zabbuli 137:6

Bwenebwene bwe ntakwidhukiranga iwe Yerusalemu, ni ndoba okukutwala nga niiwe ondeetera eisanhu lyenelyene, olulimi lugwananga lwaneesibira ku kibuno, naaloba kwiramu kukwembera.

Zabbuli 38:7

Mpulira okwokerera mu nkende, era ku mubiri gwange kuzira ghalamu.

Yeremia 52:12

Ku lunaku olweikumi mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

Okulira 2:9

Endhigi dhaakyo dhaagwa era ebiwumpu byadheebungaku, n'eminhololo egyadhisibanga gyamenhekamenheka. Kyabazinga waamu n'abakungu be bali eyo mu maghanga mu bunhage, era mu kibuga ekyo timukaalimu mateeka. Abalanzi baamu tibakaabonekerwa Musengwa Katonda.

Danieli 2:4

Baamwiramu mu lulimi Oluaramaika bati: “Isebantu kyabazinga, ghangaala byanda na byanda. Ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 3:9

Baakoba kyabazinga Nebukadinezzari bati: “Isebantu kyabazinga, ghangaala byanda na byanda!

Danieli 5:10

Inhina wa kyabazinga bwe yawulira okwasiikana kwa kyabazinga n'okw'abakungu be okwali mu kisenge eky'embaga, yaingira mu kisenge ekyo. Inhina wa kyabazinga oyo yaakoba ati: “Isebantu kyabazinga, ghangaala byanda na byanda! Leka kutya inho otyo, na maiso kukumyuka gatyo.

Danieli 6:21

Danieli yaamwiramu ati: “Isebantu kyabazinga, ghangaala byanda na byanda!

Danieli 6:6

Kale baaja ye kyabazinga nga bali ghalala, baamukoba bati: “Isebantu kyabazinga Dario, ghangaala byanda na byanda!

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.