Nehemia 2:18 - Baibuli Ekibono kya Katonda 2014

¹⁸ Kale naabakobera nga Katonda wange bwe yaba aghalala ninze n'anhamba, era naabakobera n'ebyo kyabazinga bye yankoba. Agho bankoba bati: “Tusitukiremu tuzimbe.” Era baafungiza beetegekera okukola omulimo ogwo omukalamu.

Nehemia 2:18 Iomraidhean Croise

2 Samueli 2:7

Mpegaano ni, mugume mulobe kubaamu ntete naire, kuba waire nga musengwa waimwe Saulo yafa, aye ab'endhu ya Yuda bansiiga omuzigo, banfuula kyabazinga waibwe.”

1 Ebyomubyanda 11:10

Bano n'abaali abalwani ab'amaani abakologho Daudi be yali nabo. Abo nga bali ghalala n'Abaisiraeli boonaboona baamuleetera okufuuka kyabazinga nga Musengwa Katonda bweyasuubiza eighanga Isiraeli, era baaleetera obwakyabazinga bwe okukakata.

1 Ebyomubyanda 19:13

Guma omwoyo, tulwane kisaadha ku lw'abantu baife n'ebibuga bya Katonda waife. Ka tusabe Musengwa Katonda akole ekyo ky'abona nga n'ekigwaine.”

2 Ebyomubyanda 32:5

Agho kyabazinga yaazimba n'omwoyo mulala ekimante eky'oku kibuga ekyali kimenheibwagho, era yaakizimbaku n'ebituuti ebirengererwaku. Yaazimba n'ekimante ekindi kuliya ku ekyo. Yaalongoosa mu Kibuga kya Daudi, ekifo kye baidhuzaamu eitaka olw'okwekuuma abazigu, ekyayetebwanga Millo, kyaba kigumu inho. Yaakola eby'okulwanisa kamaala n'engabo kamaala inho.

Ezera 6:22

Baakola embaga ey'Ekibinuko eky'Emigaati Egitazimbulukusiibwa okumala enaku musanvu nga basagamba kuba Musengwa Katonda yakyusa omwoyo gwa kyabazinga ow'e Assiria, yaamuleetera okuyamba Abaisiraeli abo ku mulimo ogw'okuzimba eisinzizo lya Katonda oyo owa Isiraeli.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

1 Samueli 23:16

Agho Yonathani mutabane wa Saulo yeesitula, yaaja ye Daudi eyo e Horeshi, yaamugumya ayongere okwesiga Katonda.