Nehemia 2:17 - Baibuli Ekibono kya Katonda 2014

¹⁷ Agho naabakoba nti: “Mubona obuzibu bwe tulimu? Buti Yerusalemu baakizikiriza kyafuuka bifulukwa byereere, n'emiryango gyakyo baagyokya omuliro. Kale ni mwidhe tuzimbe ekimante ku Yerusalemu tulekere agho kuswala.”

Nehemia 2:17 Iomraidhean Croise

Ezera 9:9

Tuli bairu, aye era Katonda waife tatulekuliire agho mu bwiru bwaife. Atwoleike nga bw'atugonza obutalekera, yaaleetera bakyabazinga b'e Perusia okutugonza, baatulekagho nga tukaali balamu. Olwo tusobole okuzimbira Katonda waife oyo eisinzizo lye eryali lyonooneibwa, era atukuumenga ng'atuwonia abazigu mu Buyudaaya ni mu Yerusalemu.

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Nehemia 2:13

Naaja obwire obwo naabita mu Mulyango ogw'omu Kiiko, era naabitira ku Nsulo ey'Ogusota, naatuuka ku Mulyango gw'Obusa. Naajanga nga neekebeedha ebimante ebyezungulwire Yerusalemu bye baamenhamenha, n'emiryango gyakyo gye baayokya omuliro.

Nehemia 2:16

Abafuzi ti baamanha ye naja waire kye nakolayo. Era nali nkaali na kukobera Bayudaaya banange, oba bakabona, oba abakungu, oba abakulembeze, waire abantu abandi boonaboona abaali baja okukola omulimo ogwo.

Nehemia 3:15

Shallumu mutabane wa Kolihoze, eyafuganga ekiketezo ky'e Mizipa, n'eyalongoosa ogwetebwa Omulyango ogw'Ensulo. Yaaguzimba buyaaka, yaagusereka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi. Era yaazimba n'ekimante eky'oku Kidiba kya Shela okumpi n'enimiro ya kyabazinga, yaakituukiza irala aghaali amadaala agaika okuva mu kyetebwa Ekibuga kya Daudi.

Zabbuli 102:15

Ensi dhoonadhoona dhija kutya eriina lya Musengwa Katonda; ni bakyabazinga boonaboona ab'oku nsi baja kutya ekitiisa kye.

Zabbuli 44:13

Otufiire ekivume eri ab'oku muliiraano, baatusekerera era baatuyeeyereza.

Zabbuli 44:14

Otufiire ekibono eky'okudhondha mu bamaghanga agandi; baatukanta era baatwesiimooza.

Zabbuli 79:12

Weesasuulize ku maghanga ago agatuliiraine emikuzi musanvu, olw'okukuyeeyereza kwonakwona kwe babairenga bakola.

Zabbuli 79:4

Tufuuse ekivume eri amaghanga agatuliiraine, era batuyeeyereza bwe batusekerera.

Yeremia 24:9

Ndidha kubafuula ekintu ekitiisa einho abantu boonaboona ku nsi, bafuuke eky'okwogerwaku era eky'okuyeeyereza. Baidha kubanga kivumo era kikolimo, eyo yoonayoona ye ndibasansaaniza.

Okulira 2:2

Musengwa yazikiriza ebibuga eby'Abaisiraeli ng'aziramu kusaasira naire. Olw'obusungu yamenhamenha ebifo Abayudaaya mwe beewogomanga. Yaasuula obwakyabazinga n'abafuzi baamu ghansi.

Okulira 3:51

Amaiso gange bye gabona ebyatuuka ku bakazi ab'ekibuga kyange bindeeta enaku ku mwoyo.

Ezekieli 5:14

Ekibuga kyaimwe Yerusalemu ndikifuula kifulukwa, era kyaba ekivumo eri amaghanga goonagoona agabeezungulwire, n'eri ababise boonaboona ababitagho.

Mika 7:11

Abantu ab'e Yerusalemu, ekiseera kiidha kutuuka musobole okuzimba ekimante okwezunguluza ekibuga kyaimwe. Era agho Yerusalemu kija kugazigha ensalosalo dhaakyo.

1 Samueli 11:2

Aye Nahashi yaabakoba ati: “Ndidha kukola n'imwe endagaano, bwe munaaganha ni ntundulamu eriiso lya buli muntu ery'oku mukono omusaadha, olwo ndeetere Isiraeli yoonayoona okunhoomebwa.”