Nehemia 2:14 - Baibuli Ekibono kya Katonda 2014

¹⁴ Agho naaja ku gwetebwa Omulyango ogw'Ensulo, ku Kidiba kya Kyabazinga. Aye ng'eyo ezira ngira mwe mpanga kubisa nsolo ye nali ndi kuvuga.

Nehemia 2:14 Iomraidhean Croise

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

2 Bakyabazinga 20:20

Ebindi byonabyona Hezekia bye yakola, omuli n'eby'amaani bye yakola, n'ensambo ye yasimamu ensulo n'omweta n'aingiza amaadhi mu kibuga, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Ebyomubyanda 32:30

Era Hezekia mwene oyo, n'eyasemba omweta ogw'amaadhi ogw'eitale, ogw'ensulo ya Gihoni. Yaasimagho ogundi ogwaleetera amaadhi ago okukuuluulira ku luuyi olw'e bugwandhuba bw'ekibuga kya Daudi. Hezekia oyo ebintu byonabyona byamujiiranga bukalamu.

Nehemia 12:37

Agho baatuuka ku gwetebwa Omulyango ogw'Ensulo, baaja busimbalaala baaniina amadaala ag'ekyetebwa Ekibuga kya Daudi, okutuuka ekimante ekyo ghe kibitira ku ndhu ya Daudi, olwo baatuuka ku gwetebwa Omulyango ogw'Amaadhi e buvandhuba w'ekibuga.

Nehemia 3:15

Shallumu mutabane wa Kolihoze, eyafuganga ekiketezo ky'e Mizipa, n'eyalongoosa ogwetebwa Omulyango ogw'Ensulo. Yaaguzimba buyaaka, yaagusereka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi. Era yaazimba n'ekimante eky'oku Kidiba kya Shela okumpi n'enimiro ya kyabazinga, yaakituukiza irala aghaali amadaala agaika okuva mu kyetebwa Ekibuga kya Daudi.

Nehemia 3:16

Ku oyo kwairaku Nehemia mutabane wa Azibuka eyafuganga ekitundu ku kiketezo ky'e Bethizuri, yaalongoosa ekitundu ekyairaku ku kimante ekyo okutuukira irala ku magombe ga Daudi, ni ku kidiba kye baasima obusime, ni ku ndhu ey'abalwani ab'amaani.

Omulangirizi 2:6

Naasima ebidiba eby'okutoolangamu amaadhi ag'okufukirira emiti egyo.