Nehemia 2:13 - Baibuli Ekibono kya Katonda 2014

¹³ Naaja obwire obwo naabita mu Mulyango ogw'omu Kiiko, era naabitira ku Nsulo ey'Ogusota, naatuuka ku Mulyango gw'Obusa. Naajanga nga neekebeedha ebimante ebyezungulwire Yerusalemu bye baamenhamenha, n'emiryango gyakyo gye baayokya omuliro.

Nehemia 2:13 Iomraidhean Croise

2 Ebyomubyanda 26:9

Uzzia era yaazimba ebituuti ebirengererwaku, ku kimante ekyezungulwire Yerusalemu ku Mulyango ogw'omu Nsonda, ni ku Mulyango ogw'omu Kiiko, n'ekimante ghe kigonhokera.

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Nehemia 12:31

Agho naayeta abakulu ab'omu Buyudaaya, beesololeza ku kimante ghaigulu. Naabagemya ebikunsu by'abantu bibiri ebikologho, byatambula nga bija bwe byemba enhembo edheebaza Katonda. Ekikunsu ekindi kyasimbira ku luuyi olw'omukono omusaadha, ku ngulu ku kimante, nga kyolekeire omulyango ogwetebwa Ogwobusa.

Nehemia 2:12

Agho naasituka obwire, naaja n'abasaadha batonotono, aye nga ghazira muntu yeenayeena ye nkobeireku ekindi ku mwoyo, Katonda kye yankoba okukolera Yerusalemu. Tyali na nsolo yindi yoonayoona okutoolaku eyo ye nali ntyaimeku, nga ndi kuvuga.

Nehemia 2:15

Era obwire obwo naaja naabita mu kiiko nga bweneekebeedha ekimante ekyo. Bwe namala, naakyuka naira einhuma, naingirira mu Mulyango ogw'omu Kiiko, nairayo mu kibuga.

Nehemia 2:17

Agho naabakoba nti: “Mubona obuzibu bwe tulimu? Buti Yerusalemu baakizikiriza kyafuuka bifulukwa byereere, n'emiryango gyakyo baagyokya omuliro. Kale ni mwidhe tuzimbe ekimante ku Yerusalemu tulekere agho kuswala.”

Nehemia 2:3

Agho naatya inho, naakoba kyabazinga nti: “Isebantu kyabazinga, ghangaala byanda na byanda! Nnaalobera ki okwekapa mu maiso, ng'ate ekibuga omuli amagombe ga badhaadha bange bakizikiriiza kiri bifulukwa byereere, nga n'emiryango gyakyo bagyokiikya omuliro?”

Yeremia 5:10

Ndidha kukoba abazigu baibwe nti, ‘Mubitebite mu masamba gaibwe ag'emizabbibu, muje nga mugazikiriza, aye mutagamalaagho. Mukookole ensaga mudhitooleku, kuba ensaga edho ti dhange.’