Nehemia 2:10 - Baibuli Ekibono kya Katonda 2014

¹⁰ Aye Saniballati ow'e Bethi Horoni ni Tobia omugheereza Omuammoni bwe baakiwulira, baanakughala ebitaloodheka, okubona nga ghaligho omuntu eyali ali kukola ku lw'obulungi obw'abantu Abaisiraeli.

Nehemia 2:10 Iomraidhean Croise

Nehemia 13:1

Ku lunaku olwo baasoma mu kitabo kya Musa ng'abantu boonaboona bawulira. Baayagaanamu nga kyaghandiikibwa kiti: “Omuammoni n'Omumoabu yeenayeena, taabalirwenga mu bantu ba Katonda,

Nehemia 13:28

Owundi ku batabane ba Yehoiada mutabane wa Eliashibu eyali Omukulu wa Bakabona, yali yabayiza mughala wa Saniballati Omuhoroni. Kale naamubinga mu Yerusalemu.

Nehemia 13:4

Ebyo nga bikaali kubaagho, Eliashibu kabona eyateebwagho okukuliranga ebimante by'omu isinzizo lya Katonda waife, yali ali n'enkolagana ni Tobia.

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Nehemia 4:7

Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Nehemia 6:1

Agho baakobera Saniballati, ni Tobia, ni Geshemu Omuwarabu, n'abazigu baife abandi boonaboona, bati namala okuzimba ekimante ekyo, era nga tikikaalimu bituli aye nga mu butuufu, mu kiseera ekyo nali nkaali kuta ndhigi mu miryango.

Nehemia 6:16

Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Zabbuli 112:10

Omubi bw'abona ekyo asungughala, yeeguguna era yaaseenena, aye bye yeegomba okukola tabifuna.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Ensambo 30:22

Omwiru okufuuka kyabazinga, n'omusiru okufuna buli ky'ayenda.

Omulangirizi 10:7

Era naabona abairu nga bali kutambulira ku mbalaasi, ate abakungu baatambula na bigere ng'oti bairu.

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Yeremia 41:10

Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Yeremia 48:34

“Abantu ab'e Heshiboni n'ab'e Eleale balikuba empungu dhaaja dhaatuukira irala n'e Yahazi. Abantu b'e Zoari, n'ab'e Horonaimu, n'ab'e Egulathi Shelishiya, baliwulira empungu edho. N'akaiga ak'e Nimurimu kalikala.

Yeremia 48:5

Abantu baniinaniina okuja e Luhithi nga bwe balira engira eyo yoonayoona; era baaserengeta okuja e Horonaimu nga bwe bawowoola mu nnaku embitirivu.

Ebikolwa by'Abatume 4:2

nga basungughavu inho, kuba bano baali bali kusomesa abantu nga bw'eriyo okuzuukira mu bafu, nga babakobera ku kuzuukira kwa Yesu.

Ebikolwa by'Abatume 5:24

Omukulu ow'abakuumi ab'eisinzizo ni Bakabona Abakulu bwe baawulira ebibono bino byabasobera era baasigala nga beewuunhia kino kye kitegeeza.