Nehemia 13:3 - Baibuli Ekibono kya Katonda 2014

³ Abantu bwe baawulira eiteeka eryo, baayawula mu Baisiraeli abantu boonaboona abaasimuka mu bamaghanga agandi.

Nehemia 13:3 Iomraidhean Croise

Ezera 10:11

Kale ni mpegaano mwatule ebibi byaimwe eri Musengwa Katonda, oyo Katonda wa badhaadha baife, mukolenga ebyo by'ayenda. Mweyawule ku bantu abamaghanga agandi abali mu nsi eno, ni ku bakazi baimwe abamaghanga agandi.”

Ezera 9:2

Abaisiraeli abo abantu ba Katonda abatukuvu baayonooneka, kuba beene ni batabane baibwe bafuna abakazi abamaghanga agandi. Aye ate abakungu n'abakulembeze, n'abasinze kwonooneka mu nsambo eyo.”

Nehemia 10:28

Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 9:2

Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n'ebyonoono bya badhaadha baibwe.

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 119:9

Omwisuka asobola atya okukuuma obulamu bwe nga butereevu? Kasita aba nga yeekuuma, n'ajiira ku kibono ky'okoba.

Okuvaayo 12:38

Olukunkumuli olw'abantu abandi abatali Baisiraeli lwabeeyimbaku baaja nabo. Baaja n'entaama n'embuzi n'ente, n'endogoyi, nga byonabyona biri mu bungi.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Okubala 11:4

Mu Baisiraeli abo abaali bali kutambula, mwalimu abantu ab'endha abaali n'amairu amangi ag'emamba. Aye n'Abaisiraeli beene boona beemuluguunhia bati: “Wo, ngoli tuliku n'emamba ey'okulyaku!

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.