Nehemia 13:26 - Baibuli Ekibono kya Katonda 2014

²⁶ Naabakoba nti: “Timwidhi nga Solomoni kyabazinga wa Isiraeli, abakazi ng'oti n'abo n'abaamuleetera okwonoona? Mu maghanga goonagoona tiyabaayooku kyabazinga eyali ng'oti ni ye, era Katonda we yamwenda inho yaamufuula kyabazinga wa Isiraeli yoonayoona. Aye ate abakazi abamaghanga agandi baamuleetera yeena okwonoona.

Nehemia 13:26 Iomraidhean Croise

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

1 Bakyabazinga 3:12

kale ky'osabye nkikughaire. Era bona eno, nkughaire amagezi n'okutegeera, ebisinga omuntu owundi yeenayeena ku abo abaakusookayo bye yaali afunie, era ebisinga omuntu owundi yeenayeena ku abo abalikwiririra, by'alifuna.

1 Bakyabazinga 3:13

Era nkughaire n'ebindi by'otasabye: obukombe n'ekitiibwa mu bulamu bwo bwonabwona, ghabule kyabazinga owundi yeenayeena ayagayaga n'iwe.

1 Bakyabazinga 4:1

Kyabazinga Solomoni yali kyabazinga wa Isiraeli yoonayoona,

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

2 Ebyomubyanda 9:22

Kale atyo kyabazinga Solomoni yaasingira ghala mu bukombe n'amagezi bakyabazinga boonaboona ku nsi.

Ensambo 31:3

Otamaliranga maani go ku bakazi waire okumalira ebibyo ku abo abazikiriza bakyabazinga.

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.