Nehemia 13:25 - Baibuli Ekibono kya Katonda 2014

²⁵ Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Nehemia 13:25 Iomraidhean Croise

2 Bakyabazinga 2:24

Elisha yaakyuka, yaalinga einhuma yaababona, era yaabakolimira mu liina lya Musengwa Katonda. Agho ebisolo ebikambwe bibiri ebikazi byava mu kibira, byayuzayuza abaana amakumi ana n'ababiri (42) ku abo.

Ezera 10:5

Ezera yaasituka, yaakoba abakulembeze ba bakabona, n'aba Abalevi, n'aba Abaisiraeli boonaboona, balayire bati baidha kwawukana n'abakazi abamaghanga agandi. Kale baakola omukolo ogw'okulayira.

Ezera 7:26

Oyo yeenayeena anaadheemeranga amateeka ga Katonda wo oba aga kyabazinga, abonerezebwenga ng'amateeka bwe galagira: aitibwenga, oba atwalibwenga mu bunhage bamusibire eyo, oba bamugemengaku ebintu bye, oba bamusibenga mu ikomera.”

Nehemia 13:11

Kale neemuluguunhiza abafuzi nti: “Lwaki endhu ya Katonda mugirese bw'agho mutyo?” Agho naamala naaja, naasoloza Abalevi n'abembi, naabaiza ku mirimo gyaibwe.

Nehemia 13:17

Kale neemuluguunhiza abakungu mu Buyudaaya: ‘Lwaki muli kukola ekibi kino eky'okwonoona olunaku lwa Sabbato?

Nehemia 13:24

Nga buli mwana omulala ku baana baibwe ababiri, ayogera lulimi Olushidodi oba olulimi olundi, aye nga tibaidhi Luyudaaya.

Nehemia 5:13

Era naakunkumula olusibiro lwange nga nkoba nti: “Katonda agwananga yaakunkumula atyo omuntu yeenayeena ataatuukirizenga kisuubizo ky'akoze olwaleero luno, yaamutoola mu ndhu ye ni ku mulimo gwe. Omuntu oyo akunkumulwenga, asigalenga mukaya bekayakaya.” Abantu abaali beesoloiza bairamu buti: “Amiina!” Era baasaaka Musengwa Katonda. Abantu baakola nga bwe baasuubiza.

Nehemia 5:6

Bwe nawulira okwemuluguunhia kwaibwe, naasungughala inho.

Zabbuli 119:53

Bwembona abakozi b'ebibi nga tibali kujiira ku mateeka go, obusungu bungema bungi.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

Amateeka Agokubiri 7:3

Mutafumbirwagananga nabo, nga mughaayo baghala baimwe okubayira batabane baibwe, oba okutwala baghala baibwe okubayira batabane baimwe.

Yoshua 23:12

“Bwemutaliba beesigwa eri Musengwa Katonda, aye ni musalagho okukolagana n'abantu abo abanaasigalanga mu biketezo bye tuja okunhaga, ni mubayiza baghala baibwe, era boona ni mubaganha babayize baghala baimwe,