Nehemia 13:18 - Baibuli Ekibono kya Katonda 2014

¹⁸ Badhaadha baimwe batyo ti bwe baakola, memale Katonda n'atuleetaku obuzibu buno bwonabwona, ife ni ku kibuga kino? Aye ate kabiri muli kwenda kuleetera Katonda oyo okusungughalira Isiraeli, nga mwonoona olunaku lwa Sabbato.’”

Nehemia 13:18 Iomraidhean Croise

Nehemia 10:32

“Buli mwaka twidha kutoolanga guraamu itaanu edha feeza, kiisi muntu, tudhigheeyo dhikole emirimo mu isinzizo lya Katonda waife.

Okuvaayo 31:12

Musengwa Katonda yaakoba Musa ati:

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Yeremia 44:23

Kano akabi akabatuuseeku mpegaano, kaligho lwa kuba mwaniokeza obubbaani bakatonda abandi, mwasungughaza Musengwa Katonda nga muloba okujiira ku mateeka ge ni ku biragiro bye byonabyona.”

Yeremia 44:9

Mwerabiire ebikolwa ebibi badhaadha baimwe, ni bakyabazinga ab'omu Buyudaaya ni bakazi baibwe bye baakolanga, era n'imwe beene ni bakazi baimwe bye mwakolanga mu bibuga eby'omu Buyudaaya ni ku nguudo edh'omu Yerusalemu?

Ezekieli 23:26

Balikutoolamu engoye dho, era baakutoolaku ebyamadholobera byo ebirungi einho.

Ezekieli 23:8

Tiyalekayo bwamalaaya bwe, bwe yakola okuviira irala ng'ali e Misiri, ye yabeera n'abasaadha mu buliri ni bamwesanhukizaaku ng'akaali muto, ni bamuleetera okuba nga takaali mwegha.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Okubala 32:14

Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.