Nehemia 13:17 - Baibuli Ekibono kya Katonda 2014

¹⁷ Kale neemuluguunhiza abakungu mu Buyudaaya: ‘Lwaki muli kukola ekibi kino eky'okwonoona olunaku lwa Sabbato?

Nehemia 13:17 Iomraidhean Croise

Nehemia 13:11

Kale neemuluguunhiza abafuzi nti: “Lwaki endhu ya Katonda mugirese bw'agho mutyo?” Agho naamala naaja, naasoloza Abalevi n'abembi, naabaiza ku mirimo gyaibwe.

Nehemia 13:16

Ghaabaagho n'abantu ab'e Tiro abaabanga mu Yerusalemu, baaleetanga ebyenhandha n'eby'amatano ebya buli nsambo, baabiguza Abayudaaya ku lwa Sabbato mu Yerusalemu!

Nehemia 13:25

Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Nehemia 5:7

Kale neebuuza mwene mule mu mwoyo eky'okukola. Agho naavumirira abakulembeze n'abakungu abo. Naabakoba nti: “Imwe muli kukamula mu baganda baimwe amagoba!” Era naayeta abantu okwesoloza, memale mbakobeku.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Isaia 1:10

Muwulirise Musengwa Katonda by'akoba, imwe abakulembeze ba Yerusalemu abali ng'oti n'ab'e Sodoma; mutege kutu imwe abantu abali ng'oti n'ab'e Gomorra, mwetegereze Katonda waife by'abeegeresa.

Yeremia 13:18

Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Yeremia 5:5

Ndidha kuja y'abakulembeze ndhogere nabo; kuba abo baidhi Musengwa Katonda by'ayenda, era baidhi amateeka ga Katonda waibwe oyo.” Aye boonaboona aghalala baadheemera Musengwa Katonda, baaloba kuwulira mateeka ge.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Abalevi 19:17

“Otakyaghanga muntu yeenayeena n'omwegemerera, aye omunenianga byaweera agho, olobe kugwa mu kibi olw'oyo.

Mika 3:1

Imwe abakulu ab'ebikunsu mu Isiraeli, muwulirise bino: Niimwe abateekwa okumanha abantu bwe bagwaniire okubisibwa mu butuufu.

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.