Nehemia 13:15 - Baibuli Ekibono kya Katonda 2014

¹⁵ “Mu biseera ebyo, naabonanga mu Buyudaaya abantu abakunha omwenge ogw'emizabbibu ku lunaku lwa Sabbato! Abandi baatwikanga ku ndogoyi dhaibwe, emungo edh'engaano, n'omwenge gw'emizabbibu, n'emizabbibu gyene, n'ebibala eby'emiti emitiini, n'emigugu egya buli nsambo. Abantu abo naababonanga nga baleeta ebintu ebyo mu Yerusalemu ku lunaku lwa Sabbato! Aye nze naabalabulanga obutatunda kintu kyonakyona ku lunaku lwa Sabbato.

Nehemia 13:15 Iomraidhean Croise

2 Ebyomubyanda 24:19

Musengwa Katonda yaabagheereza abalanzi okubalabula baire y'ali, aye baaloba kwefiirayo.

Nehemia 10:31

Abamaghanga agandi abo bwe banaaleetanga eby'okulya oba ebintu ebindi byonabyona okubitunda ku Sabbato, oba ku lunaku olundi olutukuvu, titwidha kubagulangaku. “Buli mwaka ogwomusanvu titwidha kukungulanga bibala bya mu misiri, era twidha kusonighanga abantu amabandha ge tubabandha.

Nehemia 10:32

“Buli mwaka twidha kutoolanga guraamu itaanu edha feeza, kiisi muntu, tudhigheeyo dhikole emirimo mu isinzizo lya Katonda waife.

Nehemia 13:16

Ghaabaagho n'abantu ab'e Tiro abaabanga mu Yerusalemu, baaleetanga ebyenhandha n'eby'amatano ebya buli nsambo, baabiguza Abayudaaya ku lwa Sabbato mu Yerusalemu!

Nehemia 13:21

Aye naabalabula nti: “Mulekere agho okusulanga okumpi n'ekisenge eky'ekibuga. Bwe munairayo okusulagho ndidha kubagema.” Okuva ku olwo tibairayo kwidhanga ku Sabbato.

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Yobu 39:12

Ogisuubira okukuleetera by'okungwire, yaabibunga mu kifo aghakubirwa emere ey'empeke?”

Zabbuli 50:7

“Imwe abantu bange mumpulirise, ndi ni kye mbakoba; imwe Abaisiraeli, ndidha kubalumiriza. Ninze Katonda, Katonda waimwe.

Okuvaayo 31:12

Musengwa Katonda yaakoba Musa ati:

Okuvaayo 31:16

Kale Abaisiraeli boonaboona, abaana n'abaidhukulu, baidha kukuzanga olunaku lwa Sabbato ng'akamanhiso ak'endagaano etawaagho.

Okuvaayo 34:21

“Oli n'enaku mukaaga edh'okukoleraku emirimo gyo gyonagyona. Aye ku lunaku olwomusanvu otakolanga mulimo gwonagwona ka bibe biseera bya kulima oba bya kukungula.

Okuvaayo 35:2

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Yeremia 17:24

“Koba abantu abo oti bateekwa okugonderanga ebiragiro byange byonabyona. Balobe kubbeedanga kintu kyonakyona kukibisa mu miryango egy'ekibuga kino ku lwa Sabbato, waire okukolanga omulimo gwonagwona. Aye bakuumenga olunaku olwo nga lutukuvu.

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Mika 6:3

Akoba ati: “Bantu bange, kiki kye nabakola? Nabakaluubiriza mu nsambo ki? Mundhiremu.

Ebikolwa by'Abatume 2:40

Era yaayongera okubakobera ebindi kamaala, yaabakubiriza ng'abakoba ati: “Mwewonie ebikolwa eby'oluse luno olubi.”

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

Ab'e Galatia 5:3

Era kabiri nhenda okubalabula, nti kiisi muntu aganha okumukeketa ateekwa okutuukiriza Amateeka goonagoona.

Ab'Efeso 4:17

Kye nhenda okubakobera, era nga mbasikirira mu Musengwa, ni kino: Mukange agho okwebisa ng'abamaghanga agandi bwe beebisa, nga bajiira ku birowoozo byaibwe ebiziramu.

Amateeka Agokubiri 8:19

Bwe mulyerabira Musengwa Katonda, ni mujiira ku bakatonda era ni mubasinza, mbalabula olwaleero nti timuliroba kuzikirira.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.