Nehemia 13:1 - Baibuli Ekibono kya Katonda 2014

¹ Ku lunaku olwo baasoma mu kitabo kya Musa ng'abantu boonaboona bawulira. Baayagaanamu nga kyaghandiikibwa kiti: “Omuammoni n'Omumoabu yeenayeena, taabalirwenga mu bantu ba Katonda,

Nehemia 13:1 Iomraidhean Croise

2 Bakyabazinga 23:2

Yaaja nabo mu isinzizo, aghalala n'abantu boonaboona ab'omu Buyudaaya, n'abo boonaboona ab'omu Yerusalemu, ni bakabona, n'abalanzi, n'abantu abandi boonaboona abakologho n'abatali bakologho. Agho nga bali kuwulira, yaasoma ebyali mu kitabo eky'endagaano ekyazuulibwa mu isinzizo.

Nehemia 13:23

Mu biseera ebyo, era naabona Abayudaaya abaabayiza abakazi abaava mu Ashidodi, ni mu Ammoni, ni mu Moabu.

Nehemia 2:10

Aye Saniballati ow'e Bethi Horoni ni Tobia omugheereza Omuammoni bwe baakiwulira, baanakughala ebitaloodheka, okubona nga ghaligho omuntu eyali ali kukola ku lw'obulungi obw'abantu Abaisiraeli.

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Nehemia 4:3

Tobia Omuammoni eyali agho naye yaakoba ati: “Bwenebwene ekimante kyaibwe ekyo eky'amabaale kye bali kuzimba, ekibe bwe kikiniinaku kimenheka bumenheke.”

Nehemia 8:2

Kale ku lunaku olusooka olw'omwezi ogwomusanvu, Ezera kabona yaaleeta Ekitabo ekyo mu kifo abantu boonaboona, abasaadha, abakazi, n'abantu abandi boonaboona abaali nga basobola okutegeera, ghe baali nga beesololeiza.

Nehemia 9:3

Baayemerera batyo okumala esaawa ng'oti isatu, nga bawulirisa Amateeka ga Musengwa Katonda waibwe ge baali bali kubasomera. Baamala esaawa ng'oti isatu edhindi nga baatula ebibi byaibwe era nga basinza Musengwa Katonda waibwe.

Isaia 34:16

Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Okubala 22:5

yaatuma abakwenda ye Balaamu mutabane wa Beori e Pethori, ekiri okumpi n'omwiga Eufurate mu kiketezo ekyetebwa Amawa. Bamukobe bati: “Bona eno, abantu ab'eighanga eiramba baava e Misiri, baidha baasiisira era baamaamira ekiketezo kyaife, era bali ghano kumpi n'ife.

Luka 10:26

Yesu yaamwiramu ati: “Kyaghandiikibwa kitya mu mateeka. Osoma otya?”

Ebikolwa by'Abatume 13:15

Ebyaghandiikibwa mu Mateeka ni mu balanzi bwe byawa okusomebwa, abakulu ba sinagoga baabeeta nga babakoba bati: “Aboluganda, oba nga muli n'ekibono eky'okulamba abantu mukyogere.”

Ebikolwa by'Abatume 15:21

Kuba Amateeka ga Musa okuva eira n'eira gasomebwa ku buli Sabbato mu sinagoga era googerebwaku mu buli kibuga.”